影片
更多
2016-02-02
4308 浏览
今晚真系坚啦！我都觉得自己好傻，咁大风又落住毛毛雨，天寒地冻走去避风塘食海鲜，好彩上艇时冇乜雨，但都要好小心上船唔好跌低啦！上艇之前我地先去店到报到，跟住有店员带我地步行去上艇，都要行10零分钟架，上到艇真系够有「风味」，好大风吹到个头颠哂 （爆）。我地以为艇上冇洗手间原来有架，不过敢唔敢去就自己谂啦！因为啲风大到吹起个帘，你点样去法都有可能俾人望到啰 （笑）。首先黎个东风螺先，鲜味都有但有少少腥（我系极度怕腥人士），点海鲜酱+辣酱更好味，肉质柔软带一点弹牙，唔错的。跟住一人一只大大只圣子皇，够哂大只又新鲜，不过我第一次食蒜蓉粉丝蒸圣子会有金菇，感觉几得意，个豉油系呢味𩠌既灵魂，正。再黎一人一只大大只赖尿虾，大只多肉，有膏，肉质鲜甜爽弹，大大啖肉啪入口，太幸福了。不过个椒盐整得比较湿，唔够干身，干身会仲惹味啲添，但整体都好好啦！炒蚬就一般般冇咩特别，比较细粒，肉唔算厚，胜在冇沙，同埋好欣赏个汁，咸同辣比例做得好好，会令人想食多几粒。呢条斑蒸得岩岩好，啲肉刚刚痴住骨，好滑又柔软既鱼肉，1d都唔腥，有鲜味，我地食剩条骨 （爆）芝士龙虾，唔知只龙虾几大，只知道好够份量，肉厚弹牙，鲜甜美味，个
上艇之前我地先去店到报到，跟住有店员带我地步行去上艇，都要行10零分钟架，上到艇真系够有「风味」，好大风吹到个头颠哂 （爆）。我地以为艇上冇洗手间原来有架，不过敢唔敢去就自己谂啦！因为啲风大到吹起个帘，你点样去法都有可能俾人望到啰 （笑）。
首先黎个东风螺先，鲜味都有但有少少腥（我系极度怕腥人士），点海鲜酱+辣酱更好味，肉质柔软带一点弹牙，唔错的。
跟住一人一只大大只圣子皇，够哂大只又新鲜，不过我第一次食蒜蓉粉丝蒸圣子会有金菇，感觉几得意，个豉油系呢味𩠌既灵魂，正。
再黎一人一只大大只赖尿虾，大只多肉，有膏，肉质鲜甜爽弹，大大啖肉啪入口，太幸福了。不过个椒盐整得比较湿，唔够干身，干身会仲惹味啲添，但整体都好好啦！
炒蚬就一般般冇咩特别，比较细粒，肉唔算厚，胜在冇沙，同埋好欣赏个汁，咸同辣比例做得好好，会令人想食多几粒。
呢条斑蒸得岩岩好，啲肉刚刚痴住骨，好滑又柔软既鱼肉，1d都唔腥，有鲜味，我地食剩条骨 （爆）
芝士龙虾，唔知只龙虾几大，只知道好够份量，肉厚弹牙，鲜甜美味，个芝士汁都ok，但可以再浓多少少 ，食到呢到已经好饱，同埋有啲漏 （笑）
最后黎埋个炒面作结，呢个炒面好有儿时食大排档果种味道，面质幼细且带点烟un，个豉油味好香，加埋辣酱食简直一流享受。
张贴
