一品南記

营业中

休息中

平日都好钟意过嚟河畔《一品南记 》呢边食粥，而家装修好靓，坐得舒服，企理干净，店员殷勤服务。生滚粥即叫即做，粥底好滑，今日叫咗个大满贯样样齐乜都有，鱼片小心有骨，猪皮、肉丸、皮蛋、牛肉片、鱿鱼等等。另外叫咗个季节限定~西洋菜皮蛋瘦肉粥，西洋菜纤维好高好健康，皮蛋瘦肉又香又滑。最喜欢佢嘅咸肉粽，好大只，整整一只咸蛋黄，肥猪肉馅料实在令人垂涎欲滴，有花生，本身好钟意食咸肉粽嘅我，唔使等端午节，正！另外，叫多个牛肉肠粉，都系即叫即做， 滑滑的，甜豉油令整个食物味道更上一层楼。有人要食姜葱蚝油捞面，配鲮鱼球，呢个可以食到真味道，正！下次一定要点个招牌炸鲮鱼球。临走时见到隔离枱食紧手撕鸡粥及叉烧肠，下次都要试埋呢两个先。