天海 (已結業)

之前去日本食过好好味嘅天妇罗之后，返到香港一直都好想再食天妇罗。想OpenRice揾，啲人话天海系被誉为香港最好食嘅天妇罗餐厅。食日本野想性价比高啲嘅话当然要中午去食。上网睇知道间铺嘅位唔系好多，得10个位左右，决定要做第一批食客。去个日系星期日，铺头12点开，早左少少度，发现入面已经坐左6个人左右，问店员先知原来铺头真正开11:30。好好彩有位坐，到12:10左右，门口已经开始有人龙，真系好夸张。第一次食叫咗个天海Premium 御膳 $300，海鲜天妇罗、蔬菜天妇罗、蛋天妇罗、紫苏叶天妇罗配海胆、樱花虾天妇罗。叫咗野食之后，店员比左六款唔同味道嘅盐比我地。店员解释盐系配蔬菜天妇罗，当然觉得海鲜唔够味嘅话都可以加啲，款款味道都几得意。天妇罗海鲜啲粉浆好薄，粉浆唔离食物，食落好脆，好精致，好好味。蛋天妇罗系我嘅至爱，炸得岩岩好，中间系流心既，送饭一流 食完可以免费添一次饭食左咁多肉食，食返啲蔬菜天妇罗，中和一下。粉浆好薄，配埋唔同口味既盐，味道口感好丰富。紫苏叶炸到好脆，炸完之后加试海胆，呢个要用手食，好正。紫苏叶同海胆好夹。Premium御膳比兄多左呢个樱花虾天妇罗，加啲紫菜、Was