影片
更多
2024-07-14
245 浏览
🎈 建议场合：#畅谈食饭 #普通拍拖 #特别日子 #港女打卡👤 建议人数：2人（最多可容纳10人台）💸 人均消费：$400-800【1个人食咗啲咩？】- 蝉时雨 16品 （刺身4款、和食、寿司6贯、云丹、卷物）⭐⭐⭐⭐⭐「香港边到揾咁高CP值嘅Omakase？」有日岩岩完成一个大project～ 打算奖励下自己食餐好嘅，点知误打误撞俾我揾到间隐世超抵食omakase🥺 真系太幸福了！你知香港闲闲地一个好食有质素嘅omakase闲闲地肯定过钱，但尼到竟然$700唔洗就已经食到超高质食材同份量，睇下d相就明我讲咩🙈 尼到d野食系食到食材最原本嘅味道，用调味料为点缀，将味道升华，佢地唔会好浮夸，朴实但华丽。仲有佢地环境卫生干净，有得放袋。服务好好，隔离台庆生，仲额外送雪糕俾佢地，同埋有熊bearbear生日牌，好开心～ 如果庆生黎尼到都系一个好好嘅选择，100分推荐！🤤茶碗蒸蛋唔系讲笑，第一道菜已经惊艳到我，从来未食过咁足料嘅茶碗蒸，真系啖啖都系有蟹肉有鱼肉，但系蛋依然系好滑，又唔会好似之前食过个d为左追求滑而变得好水、碎晒，而系保留到蒸蛋应有嘅口感。蒸蛋里面加左高汤，味道非常鲜甜，咸味
👤 建议人数：2人（最多可容纳10人台）
💸 人均消费：$400-800
【1个人食咗啲咩？】
- 蝉时雨 16品 （刺身4款、和食、寿司6贯、云丹、卷物）
⭐⭐⭐⭐⭐「香港边到揾咁高CP值嘅Omakase？」
有日岩岩完成一个大project～ 打算奖励下自己食餐好嘅，点知误打误撞俾我揾到间隐世超抵食omakase🥺 真系太幸福了！你知香港闲闲地一个好食有质素嘅omakase闲闲地肯定过钱，但尼到竟然$700唔洗就已经食到超高质食材同份量，睇下d相就明我讲咩🙈 尼到d野食系食到食材最原本嘅味道，用调味料为点缀，将味道升华，佢地唔会好浮夸，朴实但华丽。仲有佢地环境卫生干净，有得放袋。服务好好，隔离台庆生，仲额外送雪糕俾佢地，同埋有熊bearbear生日牌，好开心～ 如果庆生黎尼到都系一个好好嘅选择，100分推荐！
🤤茶碗蒸蛋
唔系讲笑，第一道菜已经惊艳到我，从来未食过咁足料嘅茶碗蒸，真系啖啖都系有蟹肉有鱼肉，但系蛋依然系好滑，又唔会好似之前食过个d为左追求滑而变得好水、碎晒，而系保留到蒸蛋应有嘅口感。蒸蛋里面加左高汤，味道非常鲜甜，咸味适中，作为第一道菜真系好暖胃、令人觉得舒服。
🤤兵库县生蚝
尼只生蚝劲啦，师傅话佢叫梦追星，系生蚝界嘅铜奖当选，咪见佢细细粒咁，原来个壳好深，旧肉好大旧，一夹就成旧肉摆入口好满足，食落肉质爽得黎有少少creamy，带有海水同埋好鲜甜嘅蚝味，完全唔腥。
🤤海胆炸天妇罗带子
未食过尼个组合，新奇又好味，口感好丰富，紫菜同天妇罗带子脆脆地配上浓郁海胆顺滑、入口即溶嘅口感真系好正。虽然带子系炸嘅，但系佢劲juicy唔会干，个炸衣皮仲要超级薄脆、香口，话佢系我食过最好食嘅炸衣都不足为奇。睇得出师傅唔系单纯追求食材新鲜咁简单，而系一d到微细嘅功夫，就好似炸衣咁都落足心机。
🤤西澳龙虾
虾头膏嘅味道好浓郁，加上三文鱼籽作为天然调味料，粒粒饱满爆汁，用咸味带出龙虾肉嘅鲜。而个龙虾刺身就爽口少筋，味道好甜！佢嘅三文鱼籽用酱油腌，唔系盐，所以唔似平时食个d咁，唔会死咸。
🤤右口鱼刺身
刺身包住烧香左嘅右口鱼边，一摆入口油香，仲有葱花同柚子酱balance番d味道，唔会话好油腻，刺身本身为道菜加番d口感，唔会有鱼腥味同筋。
🤤紫苏叶鳗鱼天妇罗
本身已经有盐，唔洗点酱～ 炸玩鱼肉依然好嫩，唔会干身，重点系无鱼骨！里面包左紫苏叶去腥，炸衣薄，松脆（平时唔钟意食炸野，刮口腔，但尼个唔会，望落干身，食落唔会好油腻）
🤤刺身 （全部唔洗点酱油，因为鱼味够晒新鲜同埋市府已经帮你调好味）
- 赤贝：新鲜爽脆！饭暖暖地，一口过、唔会好多饭，可以留多d位食其他野。
- 酸橙𫚕鱼：师傅话你条鱼食橙大🍊 就算条鱼唔肥，食落都无筋、肉质滑身，味道意外地清爽、有少少橙香味。
- 濑尿虾：熟嘅但涷食，肉身唔老，仲好嫩，大大旧肉，完全唔手软。
- 雪花拖罗：油花平均，入口即化！wasabi balance番唔会过份油腻，调味刚刚好～
- 黑陆鱼：烧左鱼皮，超级香！一入门口就闻到隔离台食嘅味道。食落都有灸烧味！
- 酱油渍吞拿鱼背：十字切，酱油入味，唔会太咸，味道岩岩好！吞拿鱼味浓，鱼肉好嫩，完全无筋，大满足～
食左咁多已经好饱，师傅仲好贴心咁问我到最后两个手卷，要吾要少d饭，如果到时觉得唔够可以再加番。
🤤北海道海胆
超级creamy，鲜甜又唔醒！啖啖大满足🥺❤️好好味，份量多到分三次食，一摆入口都系爆晒出黎！自己睇相啦，份量真系唔手软，我见到都相信唔到。
🤤京葱吞拿鱼蓉手卷
萝卜干配天妇罗碎同埋京葱吞拿鱼蓉， 口感丰富，萝卜爽脆再加上天妇罗碎松脆，系双重享受。食到最后都有鱼肉，唔会得第一啖系馅，之后得饭。
🤤四重奏面豉汤
由武田、赤、白同西京面豉整成嘅面豉汤配上幼身嘅香紫菜味道好有层次、香甜、带有少少微酸balance番个味道，同一般面豉汤根本无得比。
🤤最后嘅鸡蛋布甸、红豆雪糕
📍 榊原
天后电气道54号亨环‧天后16楼 (港铁天后站 A2 出口, 步行约2分钟）
张贴
