影片
更多
2016-10-31
1429 浏览
原本谂著系吐露港海滨漫步，加一个看海的下午茶，享受一个靓正下午，点知去错餐厅破坏晒好心情。大约系两点五十分左右进入餐厅，第一个侍应招呼坐好后问系唔系要下午茶，回覆话系之后就只比咗一个下午茶餐牌同饮品餐牌讲咗一句三点三开始就头都唔回走开咗，但个下午茶餐牌写三点开始，已经觉得点解写一套做一套。到咗大约三点零五分左右，谂著叫第二个侍应落单先，点知回覆系三点半至开始跟著又调头行咗去，所以再问经过嘅第三个侍应回覆都系话三点半开始下午茶，我对佢讲既然系三点半，点解当初唔比埋午餐牌我等我可以选择呀？跟著叫第三个侍应比埋个午餐牌我叫食物。好快我系三点十分前就落单叫咗两杯饮品同两个沙律。十分钟后左右两杯饮品到咗，但系两个沙律到三点四十五公，即是落单后超过三十五分钟都未到，谂著起身到收银处问问，同时间另一台客都因为落单太耐未到食物，所以取消落单并且结数离开。当侍应处理完之前客人结数后，我问佢两个沙律叫咗三十五分钟都未到，咁啱厨房就推出我叫嘅其中一个，个侍应就笑笑话到喇！我好高兴并即时叫佢帮手追单，未得我就唔要，点知佢转身就行开，完全无处理我嘅要求。到三点五十分余下个沙律始终未到，所以我立即结账离开，但结账
原本谂著系吐露港海滨漫步，加一个看海的下午茶，享受一个靓正下午，点知去错餐厅破坏晒好心情。
大约系两点五十分左右进入餐厅，第一个侍应招呼坐好后问系唔系要下午茶，回覆话系之后就只比咗一个下午茶餐牌同饮品餐牌讲咗一句三点三开始就头都唔回走开咗，但个下午茶餐牌写三点开始，已经觉得点解写一套做一套。到咗大约三点零五分左右，谂著叫第二个侍应落单先，点知回覆系三点半至开始跟著又调头行咗去，所以再问经过嘅第三个侍应回覆都系话三点半开始下午茶，我对佢讲既然系三点半，点解当初唔比埋午餐牌我等我可以选择呀？跟著叫第三个侍应比埋个午餐牌我叫食物。好快我系三点十分前就落单叫咗两杯饮品同两个沙律。十分钟后左右两杯饮品到咗，但系两个沙律到三点四十五公，即是落单后超过三十五分钟都未到，谂著起身到收银处问问，同时间另一台客都因为落单太耐未到食物，所以取消落单并且结数离开。当侍应处理完之前客人结数后，我问佢两个沙律叫咗三十五分钟都未到，咁啱厨房就推出我叫嘅其中一个，个侍应就笑笑话到喇！我好高兴并即时叫佢帮手追单，未得我就唔要，点知佢转身就行开，完全无处理我嘅要求。到三点五十分余下个沙律始终未到，所以我立即结账离开，但结账期间，侍应的态度语气加身体语言表明对我不尊重。就算到咗个梗烧牛肉沙律，好似系赶时间的制成品，味道一般、摆碟杂乱、沙律汁边多边少，完全系无心的制作。
我真系完完全全估唔到系科学园有一间咁差劲服务态度的餐厅营业，可能系工作日子对著科学园的科研人员系另一种咀脸。
张贴