影片
更多
2022-04-25
1235 浏览
日山Hiyama 食评作为一个超钟意寿喜烧嘅为食妹，曾经系京都一间百年寿喜烧老店体验过一次毕生难忘嘅正宗寿喜烧，但系衣家无得去日本，暂时都未有得再食😫难得香港有间米芝莲一星嘅日本餐厅出名寿喜烧就当然要慕名去试下😊不过因为晚市太贵，我哋选择咗价钱平一截嘅午市😝一坐低就waiter就问要唔要Sparkling water或者矿泉水，当时因为觉得冷气有啲冻就叫咗杯热水，后来望一望drink menu先发现原来呢两样饮品系要另外收费🙈Lunch Menu有9个Set Lunch 可以选择，有和牛、豚肉、鳗鱼等等，除咗铁胆寿喜烧之外，我哋再叫咗个唔系好常见嘅银鳕鱼西京烧。寿喜烧A5和牛严选部位及野菜盛 $488 🌟🌟🌟🌟寿喜烧系有专人煮完分好哂之后先拎嚟我哋个位，我觉得呢样嘢有少少可惜嘅，个人比较prefer系自己个位整完自己夹嚟食。煮之前waiter会拎碟和牛嚟介绍同俾我哋影相先😝 食落未去到入口即溶，不过咬两啖都已经可以吞落去，medium rare个块再绵少少，酱汁唔会一食落就好甜同好咸，甚至可能会有人觉得唔够浓味，我自己就觉得OK嘅，而配料都系常见嘅冬菇、豆腐、洋葱、蒟蒻丝，全部都系好易
作为一个超钟意寿喜烧嘅为食妹，曾经系京都一间百年寿喜烧老店体验过一次毕生难忘嘅正宗寿喜烧，但系衣家无得去日本，暂时都未有得再食😫难得香港有间米芝莲一星嘅日本餐厅出名寿喜烧就当然要慕名去试下😊不过因为晚市太贵，我哋选择咗价钱平一截嘅午市😝
一坐低就waiter就问要唔要Sparkling water或者矿泉水，当时因为觉得冷气有啲冻就叫咗杯热水，后来望一望drink menu先发现原来呢两样饮品系要另外收费🙈
Lunch Menu有9个Set Lunch 可以选择，有和牛、豚肉、鳗鱼等等，除咗铁胆寿喜烧之外，我哋再叫咗个唔系好常见嘅银鳕鱼西京烧。
寿喜烧A5和牛严选部位及野菜盛 $488 🌟🌟🌟🌟
寿喜烧A5和牛严选部位
$488
24 浏览
1 赞好
0 留言
寿喜烧A5和牛严选部位及野菜盛
$488
60 浏览
1 赞好
0 留言
寿喜烧系有专人煮完分好哂之后先拎嚟我哋个位，我觉得呢样嘢有少少可惜嘅，个人比较prefer系自己个位整完自己夹嚟食。煮之前waiter会拎碟和牛嚟介绍同俾我哋影相先😝 食落未去到入口即溶，不过咬两啖都已经可以吞落去，medium rare个块再绵少少，酱汁唔会一食落就好甜同好咸，甚至可能会有人觉得唔够浓味，我自己就觉得OK嘅，而配料都系常见嘅冬菇、豆腐、洋葱、蒟蒻丝，全部都系好易吸收到酱汁嘅𩠌，吸咗汁都唔会好咸，不过都无咩特别，豆腐无乜豆味咁。生蛋汁食落似系日本蛋有加分，始终唔系所有产地嘅鸡蛋都够安全可以生食咖嘛😜
银鳕鱼西京烧 $288 🌟🌟🌟🌟🌟
银鳕鱼西京烧
$288
167 浏览
1 赞好
0 留言
前菜、甜品及其他
Set Lunch附送嘅包括有渍物、蒸蛋、甜品、面豉汤同饭。试过太多次系日本食到嘅渍物都中伏，好好彩今次呢碟唔伏，蒸蛋嘅𩠌舖哂喺面，有少少蟹肉，淡淡地、唔咸，无乜蛋味。面豉汤有好多料，包括有平时唔系好常见既瘦肉，而个汤都唔系好似一般日本餐厅咁净系死咸。甜品系柚子雪糕，酸酸甜甜，有少少果皮，唔会太甜，好refreshing，食完呢餐再加埋个甜品岩岩好!😛
服务：呢个价钱当然要有番一定嘅服务质素，我觉得呢方面都做得几好，waiter会记得我叫咩名，招呼我哋嘅时候都会叫我个名，做嘢都好快手，会留意客人有无咩需要，好细心
景观：餐厅坐拥无敌大海景，落地玻璃嘅设计令食客可以一览维港两岸，非常适合影港女相 可惜我去个日天气唔系几好，同埋唔系坐窗边，影出嚟效果争少少
定位：如果有朋友想去，我会建议午市去食，一嚟平好多，二嚟餐厅对正个维港，望住个无敌大海景食饭真系零舍开胃😙
虽然价钱唔平，但系建议大家如果想去试下记得早少少打定去book位啦 (记得讲低想要窗边位呀)
(留意番，菜式会不定时更改)
日山Hiyama
地址：尖沙咀广东道3-27号海港城海运大厦3楼OTE302号舖
张贴
