影片
更多
2022-11-29
885 浏览
推荐： 🍉🍉🍉 (5/5) 味道： 🍉🍉🍉 (3/5) 价钱： 🍉🍉🍉 (3/5) 打卡： 🍉🍉 (2/5) 位置： 🍉🍉🍉 (3/5) 回访： 🍉🍉🍉 (3/5) 招牌海龙皇汤米线 $138 🍉🍉因为YouTube睇完介绍片之后嚟试，YouTuber形容到好夸张地好食，惊为天人咁济，所以$138一碗米线都揸实个拳头叫咗嚟试🙈 店家话个汤底以新鲜虾、虾子、花蛤、龙虾熬制8个钟而成，无加味精，个味道系点呢，exactly就系大家想像嘅龙虾汤味道，一模一样，我个人觉得完全无惊喜，讲到用咗咁多海鲜，但系唔觉得海鲜嘅鲜味好突出，跟米线一齐上嘅龙虾亦都唔知系咪因为熬咗汤，所以肉质已经唔弹牙，有少少韧，menu张米线图仲有其他海鲜装满哂成碗亦都系图片只供参考(我个碗净系得2粒带子+2粒蚬)，不过无味精就应该系真嘅，食哂成碗之后都唔会觉得口渴，只系可能我期望太高🙈酸辣牛魔皇米线 $62 🍉🍉呢个就比较普通，个酸辣汤底唔系熬出嚟，而系普通汤底+辣油+炸酱榨菜，不过牛肉都几好，份量都几多，食落几嫩滑，唔韧油醋海蜇花 $58 🍉🍉🍉胜在海蜇花本身口感够特别，好弹牙，同
推荐： 🍉🍉🍉 (5/5) 味道： 🍉🍉🍉 (3/5)
价钱： 🍉🍉🍉 (3/5)
打卡： 🍉🍉 (2/5)
位置： 🍉🍉🍉 (3/5)
回访： 🍉🍉🍉 (3/5)
招牌海龙皇汤米线
$138
34 浏览
0 赞好
0 留言
因为YouTube睇完介绍片之后嚟试，YouTuber形容到好夸张地好食，惊为天人咁济，所以$138一碗米线都揸实个拳头叫咗嚟试🙈 店家话个汤底以新鲜虾、虾子、花蛤、龙虾熬制8个钟而成，无加味精，个味道系点呢，exactly就系大家想像嘅龙虾汤味道，一模一样，我个人觉得完全无惊喜，讲到用咗咁多海鲜，但系唔觉得海鲜嘅鲜味好突出，跟米线一齐上嘅龙虾亦都唔知系咪因为熬咗汤，所以肉质已经唔弹牙，有少少韧，menu张米线图仲有其他海鲜装满哂成碗亦都系图片只供参考(我个碗净系得2粒带子+2粒蚬)，不过无味精就应该系真嘅，食哂成碗之后都唔会觉得口渴，只系可能我期望太高🙈
酸辣牛魔皇米线
$62
14 浏览
0 赞好
0 留言
呢个就比较普通，个酸辣汤底唔系熬出嚟，而系普通汤底+辣油+炸酱榨菜，不过牛肉都几好，份量都几多，食落几嫩滑，唔韧
油醋海蜇花
$58
16 浏览
0 赞好
0 留言
胜在海蜇花本身口感够特别，好弹牙，同海蜇嘅分别系：海蜇花碟啲，个弹牙程度系咬完啲牙会有少少回弹嘅感觉😂 个人觉得醋味再浓啲都可以，衣家似系就咁麻油捞海蜇花
桂花蜜糖鸡翼
$25
11 浏览
0 赞好
0 留言
望落蜜糖好似唔算多，不过其实鸡翼上下都有+有啲流咗落只碟度，所以食落都几重蜜糖味👍 鸡翼炸得好香脆，就算外层俾蜜糖包住，层鸡皮都仲系好脆，鸡肉嘅肉汁唔算太juicy，不过有蜜糖加乘，唔会觉得好dry，系当日咁多碟小食当中最满意嘅一款
黄金炸鱼皮
$35
14 浏览
0 赞好
0 留言
好可惜我哋呢份唔太够咸蛋黄，食落似就咁原味炸鱼皮，所以唔系太试到招牌嘅咸蛋黄+芝士系有几好食sosad😢 (个阵睇片，个位YouTuber嘅炸鱼片系成块都金黄色，同我哋食个碟完全唔同🙈) 鱼皮份量都几多，炸得几酥脆，唔会太硬/淋哂，炸粉层好薄，以原味炸鱼皮嚟计都几好食
后记
💟 睇到YouTube有人介绍到超好食，所以专登走去试，系好食嘅，不过有无吹捧到咁好食呢，我又唔觉，可能系因为知YouTuber拍嘢所以整得特别好
📍 原作养生汤米线
地址：红磡必嘉街120号黄埔花园三期翠杨苑地下34号舖
张贴
