影片
更多
2024-09-23
1567 浏览
「每日都系打边炉时间‼️」呢间火锅店格局有啲似私房菜，装修同环境都几舒服，好适合一班朋友聚会，食物方面都几多元化：🔥煲冬瓜瑶柱美腿汤 $98最重要饮啖汤先，入面真系有粒粒金华火腿、好大旧嘅冬瓜、瑶柱同埋冬菇，味道都几浓郁，饮落去有啖啖咸火腿香气，个汤底唔会太咸，配搭唔同食材都唔会抢咗个味道，一边打边炉仲可以饮到个汤!🐃手切顶级霜降肥牛 $248呢只「霜降」手切肥牛有明显大理石花纹，油脂比例不太高，胜在薄切牛肉味香浓，入口感觉鲜嫩，渌几秒就可以感受到香牛味！🦀蟹肉云吞 $78云吞皮厚重而好滑溜，馅料丰富，入面真系有粒粒蟹肉混合其他肉类，咸鲜香味并重，仲感受到有少少油脂分布口腔内，几好食！🦑🦐🐃三宝丸 $92一次过食晒我最钟意嘅三款丸：🦐手打虾丸同🦑墨鱼丸用料都好足，充满虾肉同墨鱼粒粒，入口弹牙浓郁！🐃🩷手打牛丸： 一咬入口已经感受到好Juicy，口感亦都丰富，牛肉丸质地唔会太实，又有少少筋位带出烟靭咬口，味道亦好香浓，有口感之余亦都真材实料。‼️重点 🐷橡果猪 $148全晚最好食，推荐！猪肉除咗脂肪分布均匀，仲有好股特别嘅味道（奶油香？），仲带少少甜感，可能因为只猪食橡果？！质地方面奶油般柔
呢间火锅店格局有啲似私房菜，装修同环境都几舒服，好适合一班朋友聚会，食物方面都几多元化：
🔥煲冬瓜瑶柱美腿汤 $98
最重要饮啖汤先，入面真系有粒粒金华火腿、好大旧嘅冬瓜、瑶柱同埋冬菇，味道都几浓郁，饮落去有啖啖咸火腿香气，个汤底唔会太咸，配搭唔同食材都唔会抢咗个味道，一边打边炉仲可以饮到个汤!
🐃手切顶级霜降肥牛 $248
呢只「霜降」手切肥牛有明显大理石花纹，油脂比例不太高，胜在薄切牛肉味香浓，入口感觉鲜嫩，渌几秒就可以感受到香牛味！
🦀蟹肉云吞 $78
云吞皮厚重而好滑溜，馅料丰富，入面真系有粒粒蟹肉混合其他肉类，咸鲜香味并重，仲感受到有少少油脂分布口腔内，几好食！
🦑🦐🐃三宝丸 $92
一次过食晒我最钟意嘅三款丸：
🦐手打虾丸同🦑墨鱼丸用料都好足，充满虾肉同墨鱼粒粒，入口弹牙浓郁！
🐃🩷手打牛丸： 一咬入口已经感受到好Juicy，口感亦都丰富，牛肉丸质地唔会太实，又有少少筋位带出烟靭咬口，味道亦好香浓，有口感之余亦都真材实料。
‼️重点
🐷橡果猪 $148
全晚最好食，推荐！
猪肉除咗脂肪分布均匀，仲有好股特别嘅味道（奶油香？），仲带少少甜感，可能因为只猪食橡果？！质地方面奶油般柔软，比平时嘅猪肉更嫩滑，猪肉即使熟到全熟亦不会太硬，口感方面层次亦都较丰富，好食到想再encore！
🥬皇帝菜 $40
营养价值超高，菜叶都保持翠绿，并不算太苦，即使我本身好怕茼蒿味道，亦都可以入口！
🥥椰子水 $15
味道唔会太甜，清热又解渴，打边炉必嗌!
✨呢间火锅店走高档优质路线，以上食材全部都优质，🐷橡果猪最好食，虽然价钱比较高少少，不过一班朋友ꜱʜᴀʀᴇ都唔贵！(*´∀`)~♥
张贴
