I Cafe (已結業)

冇几耐之前已经来过一次，今次陪老公入屯门打波，顺便入来食早餐～ 其实系想饮呢度d咖啡～ 因为上次饮过Mocha之后好钟意呢间d咖啡，同老板吹水，先知佢地系用半自动咖啡机冲成的。而家喺香港其实好少地方用半自动咖啡机，通常都系用全自动咖啡机，包括各大连锁咖啡店。所以，如果要用半自动咖啡机冲一杯好味既咖啡，可以话好讲师傅仔手势了～而呢度既咖啡，你真系饮过就知道了，非常香浓可口！我本身都钟意饮咖啡，而且系每日都要饮一杯先醒神既…有时饮左一杯难饮既会觉得果日个人好呆滞⋯⋯哈哈，所以放假有时间就会去d有好味咖啡既餐厅食早餐，饮完个人都醒神d…所以呢间cafe既咖啡，已经系我其中一个首选了，推荐～推荐～另外我叫左＄3X一个大大件自家手打牛肉蘑菇芝士香草汉堡，牛肉有牛味好嚼口，夹香草包，几特别而且味道不错（我最爱仍然系佢地既芝士肉酱热狗～！半价加一杯香浓咖啡，抵！老公就叫左大件夹抵食既all day breakfast，＄48一份，有咁多野食，超值～总括来说，下次会再来的，因为要饮咖啡