可可豬椰香海南雞專門店

营业中

休息中

红磡一向多野食选择，因为疫情关系，而家多数都系买外卖返屋企食，今日经过呢间海南鸡饭店，就比佢佢椰香海南鸡饭吸引住，一于试吓啦。出面多数海南鸡嘅饭都系油饭，呢间主打椰香饭都几特别，d饭劲香椰子味，钟意食椰子一定唔可以错过，而d鸡都好嫩滑，而且冇骨，配埋d秘制海南鸡酱一流，仲有d罗白丝做配菜同个汤，都几抵食。惊叹黑蒜酱烧猪软骨配白饭，d肉炆得好淋，好入味，个酱汁有少少甜甜地，仲有劲香黑蒜味，个汁捞饭劲正。蒜泥白肉，片片都好大块猪腩片，唔太肥，而且入口爽口，配埋佢个大量蒜头嘅酱汁，劲惹味，份量都唔少，都有好多片。呢度d饮品种类都几特别，我就叫咗2款试试。热情丰盛，好香热情果味，唔太甜，入面劲多热情果肉酸酸甜甜好开胃。金罗汉果养生茶，呢款好清润都唔太甜，入面仲有纪子，真系好养生。