半熟工房 (已結業)

今日经过买了半熟朱古力挞吃~ 之前已经听过朋友仔和网友说这个朱古力挞好好吃!! 果然佢咃系冇夸张呀! 一见到卖相已经觉得好吸引, 个挞大大个, 涨涨的, 个挞面好似会几松脆咁. 个挞色水亦好靓, 深啡色的~一睇就知朱古力味会好香浓~!! 一食之下...不得了, 真系超好味! 除了入面的馅料好香浓朱古力味之外, 连个挞边都系有朱古力味㗎! 呢样真系好惊喜, 因为通常其他地方的朱古力挞的挞边都系用番普通牛油皮, 但呢度食就可以令到满口都充满浓郁朱古力的味道, 超幸福!!!  而入面馅料都好香滑, 又唔会好甜~ 口感同半熟芝士挞的馅料一样咁幼滑的. 配合松化的挞皮, 高质! 虽然22蚊一个挞听落好似唔便宜, 但性价比又真系高㖞~ 所以以呢个质素黎讲 我依然觉得系抵食!  钟意朱古力的人真系要去食下!