影片
更多
2009-11-01
90 浏览
寻晚(31-10-2009 Sat)男友o系太子做啲o野,我o系屋企同爸爸食完饭后,就出去join佢,佢未食o野,亦由于时间唔多,所以佢只可食个快餐,对呢边唔系咁熟,佢见到有云吞面舖,就话食云吞面.入到o黎,以为就收舖,男友叫个云吞面,我好饱,唔想食o野,但好似好唔好意思咁,亚姐问我饮唔饮豆浆,我话好,男友又话要,咁就两杯冻豆浆.男友o既云吞面o黎到,云吞几大粒,面几香.我试少少面,汤o既味道浓郁.男友大赞,话面弹牙,三粒云吞爽口,碱水味唔太重.男友加o左佢o地自制辣椒油,佢话好辣好香.冻豆浆因为豆浆机早就闩o左,所以唔系咁冻,味道就甜甜地.之后听见有客人问有冇牛筋,老板话有,o个个人就叫个净牛筋.我钟意食牛筋,就问男友食唔食,佢话食啦,问吓几钱先,$28.00一碗.啊,咁叫啦.o黎到,都几大碗,汁又多又深色,好香.食吓先,牛筋好腍,最紧要啲汁系好浓好浓,从未食过咁浓o既腩汁.埋单$51.00,豆浆$5.00杯,云吞面即系$13.00碗,几抵食㖞.
入到o黎,以为就收舖,男友叫个云吞面,我好饱,唔想食o野,但好似好唔好意思咁,亚姐问我饮唔饮豆浆,我话好,男友又话要,咁就两杯冻豆浆.
男友o既云吞面o黎到,云吞几大粒,面几香.我试少少面,汤o既味道浓郁.男友大赞,话面弹牙,三粒云吞爽口,碱水味唔太重.男友加o左佢o地自制辣椒油,佢话好辣好香.
冻豆浆因为豆浆机早就闩o左,所以唔系咁冻,味道就甜甜地.
之后听见有客人问有冇牛筋,老板话有,o个个人就叫个净牛筋.
我钟意食牛筋,就问男友食唔食,佢话食啦,问吓几钱先,$28.00一碗.啊,咁叫啦.
o黎到,都几大碗,汁又多又深色,好香.食吓先,牛筋好腍,最紧要啲汁系好浓好浓,从未食过咁浓o既腩汁.
埋单$51.00,豆浆$5.00杯,云吞面即系$13.00碗,几抵食㖞.
张贴
