心夜來潮 (已結業)

呢日系旺角行完街之后，朋友就上Openrice揾左呢间近近地既打冷，叫几个小菜，边食边倾计。餐厅就系旺中对面，真系好方便好就脚。选择好多，交比朋友发板就算了。打冷当然要食香口野啦，呢个传统鸭蛋煎蚝烙，值得一试，脆卜卜，唔会太厚粉，蚝仔都几大只，炸得岩岩好，蚝仔唔会有油味。我比较钟惹呢个椒盐宝宝宝，有好多配料，如鱼仔、鲜鱿﹑芋头丝等，食落相当有层次感。炸既时间控制得好好，炸得香脆可口，咸咸香香咁好开胃。朋友就比较钟意酱卤鹅肠，因为鹅肠卤得非常入味，而且好爽口好肥美，但唔会好油腻。而呢个卜卜蚬煲都相当高质，花甲好大只，蚬肉好甜好鲜味，而且好够热，仲有粟米同粉丝，吸晒个汤既甜味 ，份量都几多，加上个煲好保温，食到最后都够热。至于个土窑手撕鸡就好够大只，用荷叶包住嚟焗，热到出烟，加上有阵盐焗既香味，送饭真系一流，鸡肉亦好滑好淋。另一个必食就系潮汕砂锅海鲜粥，粥质地都好绵好滑，加上大虾同肉蟹﹑排骨等，非常丰富，配料仲有莞茜同菜甫，加埋蟹膏同虾肉既甘香，令个粥更加鲜甜惹味。整体价钱合理，食物质素唔错，下次都可以再试下。