小島•澳門菜 (已結業)

最近时代广场有龙珠展，所以今日放工跟老公黎到时代广场，先睇龙珠Figure，到差唔多8点先揾晚餐食。之前好少系时代广场揾食，所以随便就揾左间食葡国菜嘅餐厅。小岛．澳门菜呢个名好特别，「小岛」又同澳门好贴切。我地去到时，好彩餐厅仲有最后一张梳化位，所以我地可以好舒服咁食晚餐，即使唔系梳化位，其他坐位都好宽敞。餐牌好精美，大部份菜色都有图片。椰香葡国鸡伴脆猪包 $138如果唔想食脆猪包，客人可以拣白饭。因为我地唔系好肚饿，所以拣左脆猪包。名乎其实嘅脆猪包，真系好脆~~~葡汁有好香嘅椰香味，用黎送饭一定食到唔停口。可惜今次我地叫左脆猪包。下次一定要跟饭啊~~~不过，用脆猪包点葡汁都唔差，每一啖包都沾满葡汁，仍然可以食到啖啖椰香味。只有2件脆猪包，少左D，唔够点哂咁多葡汁。至于𩠌方面，除左鸡，仲有蛋、薯仔、腊肠&少少橄榄，面层舖左少少椰丝。鸡肉好大件，无骨，肉好嫰滑，薯仔亦好入味。橄榄马介休炒椰菜 $72唔好睇个样青BB，无乜色水，好似好单调，其实好惹味，虽然系用马介休炒，但唔会过咸，菜亦好爽嫰。后记：*上菜速度快*份量方面，因为我地2个人唔算太饿，所以份量刚刚好*可能因为已过饭点，所以环境亦