土司工坊 (佐敦薈)

营业中

休息中

完job，行开佐敦，仲惆怅紧食咩，突然血糖低，嗱嗱淋揾个地方坐低食嘢先，见到吐司工房就喺前面，救星呀⋯非繁忙时间，店内约半满，睇吓餐牌，呢度食物嘅选择比以前少咗。好想食牛，叫咗巴东牛肉饭，跟冻柠茶。其实佢出名嘅系香滑奶茶丶咖啡，鸳鸯，不过呢日个肚仔唔舒服，唯有放弃奶类饮品。闻说做巴东牛肉嘅巴东酱系好考功夫，需要先将所有香料磨碎，再炒香，怪不得咁重香料味，呢个牛肉同香料已经融合一体，浑然天成一样，牛味浓，肉淋，入口化开。干身黄姜饭唔油腻，散发阵阵黄姜同香茅味道。伴菜系娘惹沙律，酸酸甜甜平衡返个巴东牛肉。满足的一餐。