味火鍋 (華僑商業中心)

无限时火锅放题任饮任食已经好吸引,最长仲可以食足七个钟！真系性价比高👍逢星期四至六仲有深宵火锅任饮食,9:30pm食到2:00am,,真系啱晒我呢啲咁夜收工嘅人！旺角分店交通方便,座位大多数系卡位,亦都有唔同大细vip房比一大班人聚餐,枱面预备好餐具,开瓶器,湿纸巾,包装纸巾非常贴心！🦞芝士焗波士顿龙虾芝士味香浓,大只新鲜,仲有好多虾膏添,连个钳都有超多肉!🫕自选汤底有成十款汤底任拣(鸳鸯锅底不另收费),香浓沙嗲锅味道啱啱好,鲜蕃茄猪骨浓汤,内里有大量新鲜蕃茄薯仔同猪骨,汤底鲜甜,越熬越出味！🥩美国安格斯牛肉拼盘有手切牛小排、牛肩胛、牛板键,牛肉高质又大片,肉质鲜嫩,口感极佳,令人 回味无穷。🫕火锅配料用QR code落单有好多种类,豚肉大大块,猪骨浓汁贡丸几爽,灸烧芝心丸,有拉丝效果,鲜虾水饺、韮菜水饺、菠菜苗猪肉饺大大只好爆料,仲有鸭血、莴笋、鲜淮山、南瓜、粟米,娃娃菜等等！粟米超级甜,极力推介