影片
更多
2018-10-06
318 浏览
之前喺Facebook见到有饮食杂志介绍过呢间cafe餐厅,今日同老死睇完展览之后就特登嚟咗呢度试吓佢出哂名嘅龙虾三文治。可能今日系食中秋节饭嘅日子，所以我哋四五点钟嚟到嘅时候其实人已经唔系太多，两层嘅餐厅佢只系开咗一层。我谂呢一个流心芝士龙虾三文治真系佢哋嘅招牌菜，我见虽然只系得几枱客，但系每枱都会点呢一个三文治，不过我就有少少失望啦，因为之前响Facebook见到有饮食杂志介绍过，𠮶阵时见到啲龙虾馅系会多到爆晒出嚟，但净系睇相都已经见到今日嘅呢一份龙虾三文治馅系唔多，扁挞挞，而芝士味过浓，完全食唔到有龙虾嘅味道，有啲名过于实嘅感觉。反而呢个黑松露野菌牛肝菌阔扁面就好有惊喜，够晒creamy,而且菌味香浓，阔扁面亦都够弹口！饮品方面，我同我个朋友都各点咗一杯。但我谂呢度嘅饮品质素就应该系一般啦，我哋见隔离枱嘅客人点左杯应该系用嚟影相多过饮嘅饮品，杯饮品好似独角兽咁嘅颜色，靓就靓，但佢好似¼都冇饮到⋯⋯我哋呢两杯系果味为主嘅，但系味道都较甜，我哋两个亦都冇完全饮晒⋯⋯埋单先知原来佢哋今日做紧promo,只要点任何嘢食，以一蚊就可以换到𠮶个流心龙虾三文治，唔怪之得好似同佢地之前介绍嘅质素
可能今日系食中秋节饭嘅日子，所以我哋四五点钟嚟到嘅时候其实人已经唔系太多，两层嘅餐厅佢只系开咗一层。
我谂呢一个流心芝士龙虾三文治真系佢哋嘅招牌菜，我见虽然只系得几枱客，但系每枱都会点呢一个三文治，不过我就有少少失望啦，因为之前响Facebook见到有饮食杂志介绍过，𠮶阵时见到啲龙虾馅系会多到爆晒出嚟，但净系睇相都已经见到今日嘅呢一份龙虾三文治馅系唔多，扁挞挞，而芝士味过浓，完全食唔到有龙虾嘅味道，有啲名过于实嘅感觉。
流心芝士龙虾三文治
25 浏览
0 赞好
0 留言
反而呢个黑松露野菌牛肝菌阔扁面就好有惊喜，够晒creamy,而且菌味香浓，阔扁面亦都够弹口！
黑松露野菌牛肝菌阔扁面
10 浏览
0 赞好
0 留言
饮品方面，我同我个朋友都各点咗一杯。但我谂呢度嘅饮品质素就应该系一般啦，我哋见隔离枱嘅客人点左杯应该系用嚟影相多过饮嘅饮品，杯饮品好似独角兽咁嘅颜色，靓就靓，但佢好似¼都冇饮到⋯⋯我哋呢两杯系果味为主嘅，但系味道都较甜，我哋两个亦都冇完全饮晒⋯⋯
Sunset chubby
8 浏览
0 赞好
0 留言
埋单先知原来佢哋今日做紧promo,只要点任何嘢食，以一蚊就可以换到𠮶个流心龙虾三文治，唔怪之得好似同佢地之前介绍嘅质素有啲距离⋯⋯唔知系咪就系因为做promo呢个价钱嘅关系呢🤔
张贴
