影片
更多
2019-05-14
1319 浏览
放假成日黎铜锣湾行街，周围既野食都已经食到厌。偶尔见到网上有人推荐呢间专做日本炸串既餐厅，位于铜锣湾Sogo附近，位置唔难揾，于是抱住好奇既心态一试😋甫踏入餐厅，就听到一连串日本既greetings, 原来餐厅由侍应到厨师，差唔多全部都系日本人，而食客都讲紧日文，唔讲唔知仲以为自己去左日本。再讲下食物，首先系呢个大陂传统料理土手煮，就咁睇中文可能会一头雾水😅原来佢系一个牛筋煮，牛筋煮到好稔，汤底好似系味噌，好岩捞饭。之后到呢个大阪代表美食章鱼仙，一盘有六粒非常抵食，底部仲垫左大块虾饼，厨师好细心咁将虾饼分左几块，以防因为比酱汁整淋左而分唔开，赞👍🏼之后出场既系三文鱼茶渍饭，三文鱼碎配淡淡茶香，最岩系食炸串时比喉咙清下味。一碗份量绝不失礼，岩晒食唔饱既大食朋友😂讲左咁耐终于到主角炸串出场啦！呢度会将食客既炸串order逐开单整，所以炸串都系一次过上。我地二人嗌左几款，总括黎讲炸皮够薄，仲keep到食物鲜味，配埋酸酸甜甜既酱汁，真系好开胃！以下系炸串既简评：特选牛：够juicy, 切成牛粒唔惊太韧芦笋：食落索索声，好清甜黑松露件鱼蓉：口感特别，咬一啖黑松露味噗鼻而黎牡蛎猪肉卷：两种食材都几
甫踏入餐厅，就听到一连串日本既greetings, 原来餐厅由侍应到厨师，差唔多全部都系日本人，而食客都讲紧日文，唔讲唔知仲以为自己去左日本。
再讲下食物，首先系呢个大陂传统料理土手煮，就咁睇中文可能会一头雾水😅原来佢系一个牛筋煮，牛筋煮到好稔，汤底好似系味噌，好岩捞饭。
大陂传统料理土手煮
37 浏览
0 赞好
0 留言
之后到呢个大阪代表美食章鱼仙，一盘有六粒非常抵食，底部仲垫左大块虾饼，厨师好细心咁将虾饼分左几块，以防因为比酱汁整淋左而分唔开，赞👍🏼
大阪代表美食章鱼仙
108 浏览
0 赞好
0 留言
之后出场既系三文鱼茶渍饭，三文鱼碎配淡淡茶香，最岩系食炸串时比喉咙清下味。一碗份量绝不失礼，岩晒食唔饱既大食朋友😂
三文鱼茶渍饭
55 浏览
1 赞好
0 留言
讲左咁耐终于到主角炸串出场啦！呢度会将食客既炸串order逐开单整，所以炸串都系一次过上。我地二人嗌左几款，总括黎讲炸皮够薄，仲keep到食物鲜味，配埋酸酸甜甜既酱汁，真系好开胃！
以下系炸串既简评：
特选牛：够juicy, 切成牛粒唔惊太韧
芦笋：食落索索声，好清甜
黑松露件鱼蓉：口感特别，咬一啖黑松露味噗鼻而黎
牡蛎猪肉卷：两种食材都几夹，蚝唔会有怪味
日本鸡蛋猪肉卷：朋友大力推荐，蛋仲系半流心状态，总之就系好好食
串物
84 浏览
0 赞好
0 留言
日本鸡蛋猪肉卷
49 浏览
0 赞好
0 留言
最后要讲下呢个麒麟啤酒，佢有多种口味拣，我地拣左百香果味，原来d味系黎自上面有沙冰口感既泡，食住炸串饮，够晒解腻！
麒麟啤酒 -百香果味
67 浏览
0 赞好
0 留言
张贴
