影片
更多
2020-07-05
518 浏览
之前喺湾仔𠮶边返工，成日喺港岛周围试拉面，呢间以性价比黎讲，绝对唔输蚀比港岛拉面名店。约左朋友1：30食，等左唔算好耐，10分钟左右就入得。全间铺都系坐到十零个客，唔算多，但都坐得舒服。山长水远一场黎到，就梗系要试下佢最出名嘅真·叉烧拉面啦！将薄薄嘅叉烧铺喺面，粉粉红红咁，卖相好似一朵花，非常吸睛，绝对系ig呃like 嘅必选。除左卖相讨好，味道亦非常唔错。平时食日本拉面嘅叉烧，有啲都几「鞋口」，有啲油脂分布得平均啲都叫做好食啲，但通常食多几啖就觉得肥腻。呢只叉烧确实系好有惊喜，佢唔系平时𠮶啲叉烧咁厚（平时有啲拉面店真系厚切叉烧咁），佢有啲似打边炉啲薄切猪肉片咁（当然无咁薄啦，我用左夸饰姐，大概有两块薄切猪肉片咁厚啦），入口口感好ok，中意厚身叉烧嘅人可以将块叉烧折一半咁摆入口嘅～ 重点系，佢真系好！嫩！口！叉烧黎讲，我真系唔预计佢有呢种嫩滑嘅程度，毕竟叉烧都系一旧烧过嘅猪肉，但呢款叉烧真系好出色，超越左我对叉烧口感嘅想像。为左试出呢款叉烧同其他叉烧有咩唔同，我地好公道地叫左一碗清汤叉烧拉面同地狱浓汤叉烧拉面黎做比较。讲左清汤叉烧拉面先啦，汤底清甜，食哂成碗都唔觉得好肥腻或者好咸，几适
约左朋友1：30食，等左唔算好耐，10分钟左右就入得。
全间铺都系坐到十零个客，唔算多，但都坐得舒服。
山长水远一场黎到，就梗系要试下佢最出名嘅真·叉烧拉面啦！
真·叉烧拉面
21 浏览
0 赞好
0 留言
将薄薄嘅叉烧铺喺面，粉粉红红咁，卖相好似一朵花，非常吸睛，绝对系ig呃like 嘅必选。
除左卖相讨好，味道亦非常唔错。平时食日本拉面嘅叉烧，有啲都几「鞋口」，有啲油脂分布得平均啲都叫做好食啲，但通常食多几啖就觉得肥腻。呢只叉烧确实系好有惊喜，佢唔系平时𠮶啲叉烧咁厚（平时有啲拉面店真系厚切叉烧咁），佢有啲似打边炉啲薄切猪肉片咁（当然无咁薄啦，我用左夸饰姐，大概有两块薄切猪肉片咁厚啦），入口口感好ok，中意厚身叉烧嘅人可以将块叉烧折一半咁摆入口嘅～ 重点系，佢真系好！嫩！口！
叉烧黎讲，我真系唔预计佢有呢种嫩滑嘅程度，毕竟叉烧都系一旧烧过嘅猪肉，但呢款叉烧真系好出色，超越左我对叉烧口感嘅想像。
为左试出呢款叉烧同其他叉烧有咩唔同，我地好公道地叫左一碗清汤叉烧拉面同地狱浓汤叉烧拉面黎做比较。
地狱拉面
39 浏览
0 赞好
0 留言
讲左清汤叉烧拉面先啦，汤底清甜，食哂成碗都唔觉得好肥腻或者好咸，几适合口味清淡嘅人。叉烧黎讲，普通款嘅叉烧都好食，唔「鞋口」，但就无真·叉烧比人𠮶种嫩滑嘅口感。
相反，地狱拉面就真系好浓味，地狱拉面之所以叫地狱拉面，系因为佢喺汤底入面加左秘制辣酱，作为小小嗜辣之人，我都觉得个辣系辣得几过瘾，你会见到个汤入面有啲辣椒系度，一觉唔觉意食到都几刺激下～但系食多几啖就发现，个面好咸，我觉得可能系因为我拣左配浓汤，本身秘制辣酱都有一定嘅咸度，所以食到后期，我已经唔系好分到碗面嘅味道，净系觉得好咸，要狂饮冰水。呢个我唔怪间拉面店，因为系我自己配搭嘅问题。
最后叫左个自制饺子试下，个饺子都搞左几耐先上菜，味道同卖相都麻麻地，饺子皮是几薄但薄到穿左，同埋煎得唔脆唔香口，可以唔使特别试。
总括黎讲，真·叉烧拉面嘅叉烧系值得推介，至于汤底、拉面口感等我都会比中上分数佢，考虑埋价钱嘅话，呢间系非常值得去，唔使100蚊食到呢种质素嘅拉面，算系好好！推荐比粮尾但又想食好西嘅朋友～～
张贴
