坤記牛腩 (已結業)

餐厅贴咗唔同嘅杂志同报纸嘅报导，细心睇睇，原来呢度嘅牛腩系用新鲜嘅骟牯牛呀，系骟牯牛呀，其实姐系咩？我A姐真系唔识！但报导就话呢款牛系肥瘦均匀，肉味香浓！但因为供应唔多，各位想试骟牯牛真系要早啲嚟排队喇！上汤牛筋腩河都话食面要先饮汤，呢度嘅牛骨上汤好香浓，好似啜紧成只牛落肚咁！越饮越多，就快饮哂成碗喇，不过，饮完系会口渴㗎。至于牛腩牛筋份量好多，牛味好香呀。牛腩系切腩，唔算太肥，仲几腍添；而牛筋仲正，够爽口好有弹性，应该好多骨胶原呀，M佬唔好同我挣啦！ 上汤牛筋腩捞伊面同一样嘅牛筋腩，一样系咁好味！不过，伊面底有少少失望，虽然弹牙爽口，但伊面唔够索汁，好彩靠碗上汤顶一顶，牛味浓郁，好鲜甜！酥炸鱼皮一个字讲晒，脆呀！咬落去卜卜声，好香鱼味，真系好好吃，个个吃！至于去到食完一刻先失望大发现，原来呢度嘅牛腩系分切腩同坑腩，我哋一直无为意，如果切腩都咁好味，咁坑腩未仲好味？！但今日真系无quota喇，下次约班朋友再嚟啦！