必勝客

营业中

休息中

说真的，对上一次食pizzahut 已经系几年前既事了。见咁耐无食，就去试下。次次食pizzahut 都会睇下佢个新批，而今次就系咸蛋系列既批，睇落都几吸引。本身我地想嗌个软壳蟹咸蛋批，但竟然卖断市，转左个蝴蝶虾，而另一款就系鸡肉，我地觉得鸡肉好普通所以叫左蝴蝶虾咸蛋批既套餐。个套餐包两碗汤，忌廉鸡汤同埋南瓜藜麦汤，南瓜汤好好饮，呢个系我估唔到既。俄罗斯沙律呢个沙律我真系食唔惯😢面层系普通沙律，个底系薄脆，我地净系食左面头d 沙律。拿破仑鸡肉意粉卖相好ok, 食落都唔错。黎到主食pizza, 卖相已经麻麻地，食落先知原来伏左，原来佢地咸蛋唔系个批度，只系旧炸虾入面，成个批食落好干身，好后悔嗌左呢个批。