四面泰泰式火鍋

营业中

休息中

泰国嘢食得多，但未试过泰式火锅，今晚嚟到沙田就试一试佢，可能时间比较早都仲有位，但到7点几个阵都已经差唔多full。 坐低左冇耐侍应就摆低左碗虾片，原来系可以免费refill，睇menu除左火锅之外佢都有啲熟食可以点，另外汤底都有3款，今次试佢嘅椰奶鸡汤锅配海鲜手工盒($498)，海鲜有7款，全部都好新鲜，呢方面好有惊喜，椰奶鸡汤都好好饮，饮完汤再打边炉，汤底里面嘅鸡肉都唔会好韧，再叫左个蔬菜拼盘同埋猪肉卷，不过猪肉卷一般，另外再叫左个炸鸡翼小食，好多炸蒜好香口。值得一提嘅系平时打边炉用嘅酱料系豉油，但呢到系用返泰式酱料几特别。 饮品方面，叫左个椰青同埋芒芒碌碌，用鲜芒果整，有少少似杨枝甘露嘅感觉。可惜当日椰皇冻售罄，有机会下次会再嚟试。