HABITŪ caffè (The ONE) (已結業)

今日难得一天平日假期，一个人独自系街漫游。咖啡瘾起，想到The One入面间Habitu，果度景色开扬，绝对系叹咖啡同忙里偷闲嘅好选择。见到有冬日限定版嘅白松露栗子鲜奶咖啡。立即急不及待咁叫黎试下。利申:本人系松露，栗子，咖啡嘅爱好者。有咖啡，当然唔少得甜品。今次叫咗开心果榛子蛋糕，卖相吸引。先讲白松露栗子鲜奶咖啡，卖相同相入面嘅无咩分别，一入口嘅泡沫，已经充斥住白松露嘅气，𠮶种香并唔系淡淡咁简单，而系每一啖咖啡都散发出松露香，真系好正。至于栗子味亦好香浓，但又唔会盖住咖啡嘅香味。三种味道都好配合，咖啡迷不能错过。至于开心果榛子蛋糕，个人认为开心果味同榛子味突出，但太甜，而且亦有少少抢咗大家嘅独特性。 属于可以一试。咪住咪住，原来咖啡底藏有两粒栗子蓉，怪不得店员提醒要将底部搞浑。不过还是觉得，唔搞浑，分开饮，好味一点。