影片
更多
2022-08-17
46 浏览
去亲旺角除咗买衫之外，最钟意就系去睇吓啲宠物店，依间餐厅系旺角胜利道，好远已经见到《Peko Peko》依个招牌。餐厅暖色系嘅色调，会见到好多干花嘅摆设同埋木系嘅家私，所以坐低感觉都几舒服。食物方面今次就叫咗一个沙律同埋两个主菜，分别系：Spring Garden $138色彩缤纷嘅沙律，上面系一个整成花形状嘅巴马火腿。材料相当新鲜，有各式各样嘅水果，桂花蜜瓜、蜜桃等等。仲有我最爱嘅紫色无花果。好fresh!必点👍👍👍酿海鲜南瓜批 $198做法相当有惊喜，其实就系将各种海鲜酿入一个小南瓜当中。南瓜上面放左满到泻嘅鱼籽，中层加入左拉丝状嘅白子芝士，最内层就好丰富，有蟹柳、青口、蚬、鱿鱼、带子。南瓜皮其实已经烤到软身，所以可以直接切开食，南瓜食食落都好甘甜，依然菜真系好惊喜。海胆三文鱼子竹炭乌冬 $188上面嘅三文鱼籽同埋海胆已经好吸引，海胆又大块又新鲜，食落好新鲜甜美，鱼籽咬开带点淡淡嘅海水嘅咸鲜味而海胆食落就好鲜甜。黄色嘅酱汁食落系海胆汁，加埋黑色嘅竹炭乌冬，食落好creamy同埋浓郁鲜甜。个乌冬食落就唔系好淋身，都有少少烟烟韧韧咁。焙茶拿铁 $38估唔到比较香浓嘅焙茶加埋鲜奶其实好夹
去亲旺角除咗买衫之外，最钟意就系去睇吓啲宠物店，依间餐厅系旺角胜利道，好远已经见到《Peko Peko》依个招牌。餐厅暖色系嘅色调，会见到好多干花嘅摆设同埋木系嘅家私，所以坐低感觉都几舒服。
食物方面今次就叫咗一个沙律同埋两个主菜，分别系：
Spring Garden $138
色彩缤纷嘅沙律，上面系一个整成花形状嘅巴马火腿。材料相当新鲜，有各式各样嘅水果，桂花蜜瓜、蜜桃等等。仲有我最爱嘅紫色无花果。好fresh!必点👍👍👍
酿海鲜南瓜批 $198
做法相当有惊喜，其实就系将各种海鲜酿入一个小南瓜当中。南瓜上面放左满到泻嘅鱼籽，中层加入左拉丝状嘅白子芝士，最内层就好丰富，有蟹柳、青口、蚬、鱿鱼、带子。南瓜皮其实已经烤到软身，所以可以直接切开食，南瓜食食落都好甘甜，依然菜真系好惊喜。
海胆三文鱼子竹炭乌冬 $188
上面嘅三文鱼籽同埋海胆已经好吸引，海胆又大块又新鲜，食落好新鲜甜美，鱼籽咬开带点淡淡嘅海水嘅咸鲜味而海胆食落就好鲜甜。黄色嘅酱汁食落系海胆汁，加埋黑色嘅竹炭乌冬，食落好creamy同埋浓郁鲜甜。个乌冬食落就唔系好淋身，都有少少烟烟韧韧咁。
焙茶拿铁 $38
估唔到比较香浓嘅焙茶加埋鲜奶其实好夹，茶味浓郁，上面仲有一个拉花形状添，可以叫一杯打下卡。
💰人均250蚊左右晚市
张贴
