影片
更多
2011-12-15
129 浏览
又有同事要离开我地喇，今晚用烧炭黎庆祝安东尼脱苦海 ﹗Farewell 感人饭局，哈哈。走进湿淋淋既横行，转个弯就到左鸿福，一阵浓烈既 up 味、霉味，加埋墙上布满污渍，场面都几惊吓。上次烧失左既碳炉返左黎喇，大家都只系为左佢而黎 ﹗上次全部比 1 分，今次好采有几款新鲜海鲜撑吓场啫 ﹗咸猪骨冬瓜豆腐汤底，尊登拣啲特别既汤底，无咁闷麻。依个底无咩味，当清汤黎打啰。游水活花竹虾，全餐最好食 ﹗好生猛 ﹗有五六吋咁长，大大只、啖啖肉。质地爽弹，鲜味十足，仲带有碳烧香味，好正呀 ﹗扇贝，淡茂茂又难烧，麻麻地。本地手切肥牛，平价货，又干又鞋，算罢啦。美国桶蚝，正呀 ﹗一打开即成全场焦点，每人限食一只架乍 ﹗但要攞去洗一洗先，卫生啲好。每罐得五只乍 ﹗白白滑滑，烚一烚，香甜味美，又嫩又充满水份，好味道 ﹗鱼扣，烧又得、烚又得，同样爽口鲜味。指天椒要收钱架，细细碟太少啰。黑牛栢叶，未食过鞋烚烚既黑栢叶，又贵又唔爽又无味，放弃 ﹗宁愿食一般白栢叶好过。金菇同蜂巢豆腐大路无特别，唔难食啰。活象拔蚌刺生，即叫即㓥，爽甜超新鲜，够爽脆，满意。鸡肾，爽口无难度啦。鳝碌，肥美欠奉，瘦左啲啲啰，再大条啲就更好。
咸猪骨冬瓜豆腐汤底，尊登拣啲特别既汤底，无咁闷麻。依个底无咩味，当清汤黎打啰。
游水活花竹虾，全餐最好食 ﹗好生猛 ﹗有五六吋咁长，大大只、啖啖肉。质地爽弹，鲜味十足，仲带有碳烧香味，好正呀 ﹗
扇贝，淡茂茂又难烧，麻麻地。本地手切肥牛，平价货，又干又鞋，算罢啦。
美国桶蚝，正呀 ﹗一打开即成全场焦点，每人限食一只架乍 ﹗但要攞去洗一洗先，卫生啲好。每罐得五只乍 ﹗白白滑滑，烚一烚，香甜味美，又嫩又充满水份，好味道 ﹗
鱼扣，烧又得、烚又得，同样爽口鲜味。指天椒要收钱架，细细碟太少啰。
黑牛栢叶，未食过鞋烚烚既黑栢叶，又贵又唔爽又无味，放弃 ﹗宁愿食一般白栢叶好过。金菇同蜂巢豆腐大路无特别，唔难食啰。
活象拔蚌刺生，即叫即㓥，爽甜超新鲜，够爽脆，满意。
鸡肾，爽口无难度啦。
鳝碌，肥美欠奉，瘦左啲啲啰，再大条啲就更好。烧最惹味，外脆内嫰，好香口，好味道。
桂花蚌，发嗅桂花蚌，烚完一放落口即刻吐都吐唔切，又嗅仲那脷那喉，咩黎架？还好老板都帮我地取消，起初老板仲用怀疑既口敏话无理由架㖞、系咁既味架㖞、正常架㖞。睇张相都见有啲唔妥啦。
鲜活鲍鱼仔，好活跃周身郁 ﹗只只生生猛猛，郁身郁势，好似急不及待跳入火海咁啰。味道真系非常鲜甜、肉质爽弹，太美味喇 ﹗鲍鱼仔表演火上舞，精采 ﹗好鬼得意。新鲜靓海鲜真系唔洗点调味，用最简单既煮法就最最最好味 ﹗
牛柳粒，好很靭又鞋既牛柳粒，算罢啦 ﹗
连壳生蚝，即叫即开，够新鲜，不过佢地太瘦喇，好似营养不良咁。壳厚肉薄，壳厚劲难熟、好难烧 ﹗蚝肉薄衣衣，都试唔到咩味道、咩质地。
鸡软骨，好脆口，无咩特别。鱼春，唔知系咩鱼既鱼春呢？越烚越硬，又无味，好难食。我食开啲门鳝春系越烚越香滑软棉架㖞。依度啲烧就几好味，但一定要捞秘制酱先得，唔系就无味道。
皇帝菜，少食少食，免强食到，顶唔住佢阵青味。西洋菜，新鲜爽甜，当灶靓菜。
张贴
