影片
更多
2024-05-07
2357 浏览
终于有时间补番个食评喇，迟到总好过无到啦😆每年既大年初一我同家人都会食一餐斋，每次都系食比较传统既斋菜，今年想试下新野，所以黎左呢间，真系一试难忘☺️4个大人一只狗，可以坐餐厅出面。因为食物要预早准备，所以订枱后店家会经Whatsapp同你确认预订既食物，而我地叫左以下食物：香煎鹅肝配黑醋无花果马介休球法式纸包鱼普罗旺斯炖菜葡式焗鸭饭威灵顿牛柳火焰雪山 (因有火焰效果所以只拍左片🤣）详细既食评就唔多讲喇，始终各人口味同感受唔同。简单黎讲，呢餐西式素食真系令我有全新既体验，不单食物既外型似，连食落去既口感都似肉。另外，男女老板好有礼貌，虽然当日放晒员工假而要自己煮同招呼，但两位都仲好乐意讲解同回答我地对食物既问题，倾谈间仲知道佢地曾经不断尝试唔同材料同改善味道以达致完美，真系好有heart，亦令我地大开眼界。总括黎讲，呢间餐厅绝对推荐俾大家，你地千祈唔好俾门面装修吓亲，以为系一间fine dining既餐厅，其实老板只不过对美学同食物有要求，亦想令顾客感受到同推广素食，系咪素食者或者系咪节日庆祝都可以去试下。讲多无谓，你地亲身试过就会明白，未去过绝对系错过好野。另外，老板当时提到会系南丰纱
每年既大年初一我同家人都会食一餐斋，每次都系食比较传统既斋菜，今年想试下新野，所以黎左呢间，真系一试难忘☺️
4个大人一只狗，可以坐餐厅出面。因为食物要预早准备，所以订枱后店家会经Whatsapp同你确认预订既食物，而我地叫左以下食物：
香煎鹅肝配黑醋无花果
马介休球
法式纸包鱼
普罗旺斯炖菜
葡式焗鸭饭
威灵顿牛柳
火焰雪山 (因有火焰效果所以只拍左片🤣）
详细既食评就唔多讲喇，始终各人口味同感受唔同。简单黎讲，呢餐西式素食真系令我有全新既体验，不单食物既外型似，连食落去既口感都似肉。另外，男女老板好有礼貌，虽然当日放晒员工假而要自己煮同招呼，但两位都仲好乐意讲解同回答我地对食物既问题，倾谈间仲知道佢地曾经不断尝试唔同材料同改善味道以达致完美，真系好有heart，亦令我地大开眼界。
总括黎讲，呢间餐厅绝对推荐俾大家，你地千祈唔好俾门面装修吓亲，以为系一间fine dining既餐厅，其实老板只不过对美学同食物有要求，亦想令顾客感受到同推广素食，系咪素食者或者系咪节日庆祝都可以去试下。讲多无谓，你地亲身试过就会明白，未去过绝对系错过好野。
另外，老板当时提到会系南丰纱厂另一个铺开间素食汉堡餐厅，应该都差唔多开张，下次一定会去试埋😆
张贴
