亞參星馬美食店

营业中

休息中

因女朋友返香港大学而去接佢，咁啱就见到呢间店舖，可惜佢门口俾啲棚架遮住左，如果唔系都几多人会望到既。同女朋友入到去就问下有乜野食，咁个老板就推介喇沙同沙嗲面啦。都冇所谓啦，都系肚饿。等左一阵，两碗就到左， 我碗喇沙个海鲜味直冲上脑，一试个汤底味道丰富而有椰奶香味。而且面身十分弹牙，唔系好似出面个呢咁淋。个沙嗲面又系好香，唔似出面茶记果啲沙茶酱果啲味，而系好似上次同屋企人去马来西亚旅行食沙嗲个只味咁。好食到我同女朋友唔洗十分钟就各自清碗。同个老板吹下水，原来佢以之前去左星加坡读书，都好钟意果道啲野食，所以返黎就开店想大家分享下我心目中星加坡既味道，佢讲完我感觉同佢既距离有几层楼咁远.....好在差啲唔记得俾钱，咁好食两个面连饮品100有找，以后多啲黎接女朋友食下啦。