萬家美食(馬來豬扒專門店)

营业中

休息中

喺Openrice写嘅第171篇食评，终于试到成为一间餐厅嘅第一篇喇。其实呢间小店喺将军澳嘅群祖间唔中都会有人提，每次都系赞赞赞。呢间小店位于富宁商场门外舖，门口细细，有个Led灯招牌。虽然舖仔细细，但食物出品唔错，以猪扒最出名，价钱亦大众化。马来猪扒蛋饭，猪扒一啲都唔鞋，好香又有肉味，仲有荷包蛋加豉油饭。蒜香鸡翼捞公仔面，鸡翼外脆内嫩，大量炸蒜舖喺面上面，唔太咸，唔错。沙姜鸡饭，虽然唔系胸位，但唔鞋，沙姜更提升味道。蒜香排骨煲仔饭，煲仔饭要等二十分钟，排骨新鲜，饭有微微焦香味。香煎芙蓉蛋饭，蛋液加葱花，火腿，虾仁煎成，饭都系加豉油。生煎咸鱼蓉肉饼饭，咸鱼味唔够，肉饼口感香脆肉质新鲜。