姨婆瑪麗 (已結業)

笔者系香港人，成日去马来西亚，食过不下十次怡保鸡。见到香港竟然有得食，就带著期待嚟。见到餐牌嘅时候有啲愕然，因为打头阵嘅竟然唔系怡保鸡河粉（系呀，怡保鸡应该配河粉先正宗），而系好多香港地道车仔面嘅配菜。好就好在有得食老鼠粉，但当老鼠粉唔系干捞而系好似车仔面咁浸喺味精汤里面，已经完全冇马来西亚嘅风味了。一个三送面盛惠$38，半只怡保鸡$108。马来西亚嘢嚟讲，实在冇可能话唔贵。另带一提，呢度只有三款冻饮，所以想食辣嘢嘅就留意下喇。然后令人叹息嘅一个员工嘅服务态度。我哋叫咗好多碗面，唔肯定𠮶碗系咪我哋叫咗堂食虾面，问到佢究竟系咪虾面，佢冇直接回应，我哋以为佢嘅意思系𠮶碗唔系虾面，后来发现佢拎咗碗虾面去打包。我哋再话虾面系堂食嘅时候，佢转身话我哋：「自己讲错喺度话人！」但客观嚟讲，其他员工态度系ok嘅，怡保鸡还可以啦。