米九十

营业中

休息中

今日放假，走咗入马湾行下。 去到马湾人人都识在马湾海边广场望住青马大桥食餐饭。我哋就揾咗喺马湾村里面一间日式小店， 贪佢冇咁多人。 点知一点半去到，依然全场满座，要等20分钟位。 点了一个和牛寿喜烧，寿喜烧个前菜系青瓜。青瓜切得薄薄的，很好食。饭团外层系煎㶶咗嘅饭焦，里面系普通白米，所以造成外面脆，里面软嘅口感。寿喜烧用咗和牛肥牛片，坦白说只是普通货色，不过只系$140，夫复何求？ 另外点了一个轻食，香橙朱古力碎片松饼。松饼配两个酱，一个士多啤梨酱，另一个系cream。松饼本身焗得松脆，香橙味突出，然后配朱古力碎，有口感。 但因为香橙味太出，配cream味道不太特别。 如果配士多啤梨酱，味道变得不太集中，味道冇咁单纯， 喜欢与否，真系因人而异。