深宵食堂 (已結業)

岩岩东京返黎，想继续食日本野，唔想咁快返翻现实，于是上网揾到呢间野食。其实之前早已听闻深宵食堂既名气，今日终于有机会去试下。叫左个一口牛串烧，深宵食堂玉子，同埋个鹅肝野菌石头锅饭。牛肉串烧得好好味，水份仲保留系肉质度，口感多汁，唔会烧得太老，正！同埋烧汁有阵特别既香味，好食！玉子终于都黎左啦！好大个，仲有深宵两个字。原来入边有芝士，入口热辣辣，芝士味即刻出黎，正！简简单单，但味道很好！最钟意鹅肝野菌饭，野菌饭捞埋鹅肝，鹅肝既味道围绕住成个饭，饭系珍珠米，鹅肝同饭香加埋一齐原来可以咁夹！冇叫错呢碗饭！仲有好多野食未叫，不过已经好饱，下次去尖沙嘴再黎试下其他新野！