影片
更多
2023-05-12
107 浏览
今日本身谂住开开心心预早庆祝母亲节餐厅嘅环境都几好用餐途中发生一件很不愉快的事情事情发生就系，佢上多咗一碟串烧，咁我就check单啦，check单途中，怀疑系佢经理行过嚟发现上多咗一碟串烧，就即刻喺隔离好恶咁问佢同事，做乜上多咗一碟，之后就同我哋讲，上多咗一碟串烧，要收返佢，之后又补左句，我哋都系倒落垃圾桶㗎喇。当时我觉得感觉10分唔好受。原因如下：1，我觉得如果你要话同事，可以拉同事去一边，先再话佢，而唔系喺客人隔离咁恶咁话佢同事，客人系嚟食饭，唔会想接收负面能量。2，你收返碟𩠌冇问题，之后点处理，其实冇需要同个客讲。明白想带出一点，就系呢碟𩠌唔会比下一个人食。但系个客听到，会好唔开心。第一，你宁愿倒咗佢，制造厨余，都唔俾个客食埋佢，处理手法其实可以更好。第二就系态度10分差，上多咗，系你哋嘅问题，唔需要攞一个差嘅态度对待顾客。第三，唔系贪一碟𩠌，我情愿俾钱买𠮶一碟𩠌，都唔想制造无谓嘅厨余。其实网上已经有好多评语，话啲𩠌上得慢，同埋会成日上错𩠌。其实都深有同感。上得慢其实都冇所谓啦，但上𩠌次序可唔可以做得好啲？唔好饭都未食完，连一半都未到，就上甜品。同埋既然成日都有发生上错𩠌嘅情况，
餐厅嘅环境都几好
用餐途中发生一件很不愉快的事情
事情发生就系，佢上多咗一碟串烧，咁我就check单啦，check单途中，怀疑系佢经理行过嚟发现上多咗一碟串烧，就即刻喺隔离好恶咁问佢同事，做乜上多咗一碟，之后就同我哋讲，上多咗一碟串烧，要收返佢，之后又补左句，我哋都系倒落垃圾桶㗎喇。当时我觉得感觉10分唔好受。原因如下：
1，我觉得如果你要话同事，可以拉同事去一边，先再话佢，而唔系喺客人隔离咁恶咁话佢同事，客人系嚟食饭，唔会想接收负面能量。
2，你收返碟𩠌冇问题，之后点处理，其实冇需要同个客讲。明白想带出一点，就系呢碟𩠌唔会比下一个人食。但系个客听到，会好唔开心。第一，你宁愿倒咗佢，制造厨余，都唔俾个客食埋佢，处理手法其实可以更好。第二就系态度10分差，上多咗，系你哋嘅问题，唔需要攞一个差嘅态度对待顾客。第三，唔系贪一碟𩠌，我情愿俾钱买𠮶一碟𩠌，都唔想制造无谓嘅厨余。
其实网上已经有好多评语，话啲𩠌上得慢，同埋会成日上错𩠌。其实都深有同感。上得慢其实都冇所谓啦，但上𩠌次序可唔可以做得好啲？唔好饭都未食完，连一半都未到，就上甜品。同埋既然成日都有发生上错𩠌嘅情况，可否完善嘅处理手法？例如如何减少厨余，如何改善上错嘅情况。
见到一边，因为上错而浪费食物，另一边，有人因为冇嘢食而饿，就好唔开心。虽然呢个系个人嘅情绪，但希望贵公司，可以更加珍惜食物。
17 浏览
0 赞好
0 留言
12 浏览
0 赞好
0 留言
张贴
