影片
更多
2021-06-19
2370 浏览
完咗聚会，又喺两公婆揾地方食晏嘅时间，老婆话周周都喺「太子」（茶记），想今周转吓口味，所以，改咗试吓附近嘅「叉烧丼家」，其实，都喺一家主打叉烧嘅茶记而已，不过，就唔喺净得叉烧嘅，仲有其他选择。 走到铺内，地方都几大，主要以卡位为主，一室以灰色为主调，格局比茶记就高档少少，有啲似西餐厅，但卡位就显得有啲窄。 不过，晌茶记常见放餐具嘅枱边抽柜，晌度一样喺咁，排列得都算几整齐，「自给自足」，唔使等侍应招呼喺方便啲。 此外，几款调味料放晒晌枱，自由取用。食物选择方面，一组喺午餐精选，当然唔会净得叉烧，仲有唔同款式，连意粉都有，更有素食嘅选择，啱晒老婆，定价为$45-$98，包一杯基本热饮，但可加钱转特饮。 另一组就喺全日餐牌，即喺散点餐牌，有碟头、小食、多士……等等，同样有好多选择，但当中都有一款茶记常见嘅常餐供选择。而睇匀个餐牌，较特别嘅喺脆洋葱圈叉烧芝士汉堡配薯条，顾名思义你都估到喺以叉烧代替牛肉做汉堡。 野菜丼饭 $45 明知老婆唔喺大食，所以，改要少饭，可减$1，不过，嚟到之后，都仲喺觉得碗饭几大碗吓，真喺唔知佢有无少饭。卖相就肯定喺平平无奇喇，主要喺炒椰菜，搭啲茄子及甘笋，后两者就无
走到铺内，地方都几大，主要以卡位为主，一室以灰色为主调，格局比茶记就高档少少，有啲似西餐厅，但卡位就显得有啲窄。
不过，晌茶记常见放餐具嘅枱边抽柜，晌度一样喺咁，排列得都算几整齐，「自给自足」，唔使等侍应招呼喺方便啲。
此外，几款调味料放晒晌枱，自由取用。
食物选择方面，一组喺午餐精选，当然唔会净得叉烧，仲有唔同款式，连意粉都有，更有素食嘅选择，啱晒老婆，定价为$45-$98，包一杯基本热饮，但可加钱转特饮。
另一组就喺全日餐牌，即喺散点餐牌，有碟头、小食、多士……等等，同样有好多选择，但当中都有一款茶记常见嘅常餐供选择。而睇匀个餐牌，较特别嘅喺脆洋葱圈叉烧芝士汉堡配薯条，顾名思义你都估到喺以叉烧代替牛肉做汉堡。
野菜丼饭 $45 明知老婆唔喺大食，所以，改要少饭，可减$1，不过，嚟到之后，都仲喺觉得碗饭几大碗吓，真喺唔知佢有无少饭。卖相就肯定喺平平无奇喇，主要喺炒椰菜，搭啲茄子及甘笋，后两者就无餐牌图片所示咁原条，不过，食得出喺即叫即炒嘅货色，唔喺𠮶种两𩠌饭炒定一大盆𠮶啲，食落几有镬气，但老婆就话几油吓，查实睇相都见到啲菜几咁「闪𫞠𫞠」。
叉烧丼饭 $55小弟就梗喺拣试佢哋嘅招牌叉烧丼饭啦，餐牌已写明喺有极上叉烧加脆边双蛋，其实，又真喺几大碗饭，配上带啲㶶边嘅瘦叉、两只煎到脆边嘅太阳蛋，再淋上葱油，卖相确喺颇为吸引。叉烧入口质感松化，唔会又干又嚡，带点焦香，而太阳蛋嘅蛋黄又绵又香，笃穿后再加埋葱油捞饭，基本上唔输得去边，最紧要喺饭粒仲喺煮到好软绵，有饭香，食完又点会「黯然」，哈哈。
红豆好立克 +$8老婆一向喺红豆铁粉，之前，有唔少茶记食评都记录咗佢拣饮红豆冰，今回佢见到呢款特饮，就一心想试。嚟到一睇有啲濑嘢，唧咗一大抹忌廉上面，卖相就靓仔咗好多，但佢超唔钟意啲忌廉，因为太肥腻，结果，之后就过咗落我杯奶茶度。佢话，红豆夹好立克都OK，但就唔算好有惊喜，胜在有好多红豆，不过，啲忌廉真喺好余咗啲！
热奶茶 我杯热奶茶都OK，茶色有光泽，入口茶底够醇香，口感嘅柔滑度就一般般啦。而之后加咗老婆杯红豆好立克啲忌廉（都喺加咗一半左右），茶味喺淡咗，但就变得好鬼滑！
整体而言，食物都几唔错，不过，仲有啲改进空间。至于啲服务，就麻麻哋，啲侍应好似好hea咁，礼貌都麻麻，唔算话好差，但问多句都唔想答你𠮶种。
张贴
