長洲張記

营业中

休息中

去长洲玩多数扫街边小食，好少真喺坐铺头食正餐。不过哩间张记喺长洲都颇为有名，所以都值得一试。望望餐牌其实价钱都几贵，一碗普通粉面都要三四十蚊仲唔包饮品。不过无计，旅客区又有少少名气，几贵都总有人食。最后我哋点左碗鱼蛋鱼片河同云吞河。望落去碗面平平无奇，但喺食落又真喺几好味。首先喺佢个汤底好清冇味精，饮落有鱼香味。河粉就煮得岩岩好，好爽口。鱼蛋同鱼片就超级弹牙，好香鱼味，相信真喺用新鲜鱼肉打制。云吞就皮薄馅料够新鲜。不过份量就少左啲，食一碗真喺唔够饱。不过作为游客嘅我都喺一件好事，咁先可以食多啲继续扫街边小食。#留意返哩到每位最低消费$20。