五代同糖 (已結業)

因为旧同事由澳洲返黎, 果晚我地就相约去食糖水, 咁岩知道五代同堂系中环开左分店, 所以去试一试果然冇令人失望 !!!!先讲服务; 一班侍应都好有礼貌, 呢一点一定要赞。事缘我地坐坐下途中, 有一大班人入黎, 因为佢地人多, 要坐我地张table先够坐, 所以佢地都好有礼貌咁问我地可唔可以换位同埋讲唔好意思``到食物; 其实我真心觉得佢地既棉花冰系咁多间甜品店入面最好食的 (我系尖沙咀果间食过, 真系好抵食, 又唔太甜), 谂住试下呢间手势点, 一试之下, 觉得比尖咀果间仲好食``其次就系佢地既心太软, 朱古力又热又浓, 劲香, 仲有个绿茶雪糕, 睇得出真系好用心做``另外我地果晚仲叫左个士多啤梨梳乎里, 焗得劲松软、士多啤梨劲入味, 层酥皮又够脆, 值得一赞 !!!(sorry全部都没有相, 因为果晚我地挂住食, 但真系可以一试 !!!!)anyway, 中环 & 尖沙咀分店我一定长期去帮衬 !!!!