影片
更多
2019-04-21
1070 浏览
呢餐原本食咗一段时间，可惜身体唔好，工作又忙，搞到而家先写到。因工作关系，有日经过北角堡垒街，因地处偏僻，唔多知呢度有几间食肆开咗。有中有西有素食有咖啡店有茶记有街边档，好不热闹。因我同女朋友都钟意食西餐，因此我同佢讲揾日上去试下。由于早到咗嘅关系，餐厅未开门，我打电话去扮订枱，顺便问下开门时间。原来下午开6点。未够钟㖞，行下啰。据我所知紧连住西餐厅嘅卖进口食材嘅舖头系同一个老板开，我谂开得间食材舖唔多唔少都会睇到一阵个餐牌嘅菜色用料啩。入到餐厅，望望餐牌，既失望又欢喜。头先我嘅谂法错晒，原本以为可以试嘅菜式唔见而要试其他。咁代表乜嘢？代表老板嘅诚意。我哋照旧开咗支酒，听闻系佢哋自家品牌。其实普通一千几百一餐嘅餐厅都愿意做自家品牌嘅餐酒颇难得。因为至少要过到老板关、佢觉得值得推介先会入。因直接入酒关系，出面普通餐厅卖3-400一支嘅餐酒一般来货都只系数十蚊，赚你十倍八倍都只系等闲事。而入口嘅一般都系连锁超市货色。自家品牌就可以将中间人直接剔除，将同样嘅价钱去入比较优质嘅货添。𠮶晚我叫咗支意大利酒，意大利属于旧世界酒，同法国一样，佢哋都会沟提子酿酒，因此入口丰富复杂而厚身，配上红肉就极之
因工作关系，有日经过北角堡垒街，因地处偏僻，唔多知呢度有几间食肆开咗。有中有西有素食有咖啡店有茶记有街边档，好不热闹。因我同女朋友都钟意食西餐，因此我同佢讲揾日上去试下。
由于早到咗嘅关系，餐厅未开门，我打电话去扮订枱，顺便问下开门时间。原来下午开6点。未够钟㖞，行下啰。据我所知紧连住西餐厅嘅卖进口食材嘅舖头系同一个老板开，我谂开得间食材舖唔多唔少都会睇到一阵个餐牌嘅菜色用料啩。
入到餐厅，望望餐牌，既失望又欢喜。头先我嘅谂法错晒，原本以为可以试嘅菜式唔见而要试其他。咁代表乜嘢？代表老板嘅诚意。我哋照旧开咗支酒，听闻系佢哋自家品牌。其实普通一千几百一餐嘅餐厅都愿意做自家品牌嘅餐酒颇难得。因为至少要过到老板关、佢觉得值得推介先会入。因直接入酒关系，出面普通餐厅卖3-400一支嘅餐酒一般来货都只系数十蚊，赚你十倍八倍都只系等闲事。而入口嘅一般都系连锁超市货色。自家品牌就可以将中间人直接剔除，将同样嘅价钱去入比较优质嘅货添。𠮶晚我叫咗支意大利酒，意大利属于旧世界酒，同法国一样，佢哋都会沟提子酿酒，因此入口丰富复杂而厚身，配上红肉就极之对版，对饮开平价酒嘅我呢支分数可以话破晒顶。而成晚我哋都只系叫咗煎蟹饼沙律、带子杂菌薯蓉、西班牙黑毛猪扒同Brownie。依美味程度排名系黑毛猪冠、带子同Brownie次之、蟹饼尾随。想强调，唔系话蟹饼唔好，因蟹肉本身味偏淡，就算呢度个蟹味已经好出，但特色唔多够。而带子本身嘅嫩就只要烹调时小心啲已经好好，而带子嘅伴碟杂菌薯蓉我想一提，我差啲想叫多份，细滑又霸道，好嘢。而Brownie可以同样好味嘅原因系呢度嘅唔系一般Brownie，Brownie本身嘅质哋应该系喺蛋糕与曲奇之间，配以朱古力嘅香，一般都比较大件。呢度系将大件嘅Brownie压缩，再结实一啲，加上浓浓嘅dark chocolate，令人回味。而黑毛猪冠就唔需要多介绍，市面早已将黑毛猪放咗上神枱，又话肉质结实而有口感，味带坚果香而营养更丰富⋯。讲真句，我都觉得系废话，你整得唔好食就嚟自火星都系假。呢度整嘅唔可以话系满分，但以呢个价钱食到已经好超值啦，仲想点呢？
有靓酒、有美食、价钱合理，我对呢度评分都好高。
张贴
