明閣 (香港康得思酒店)

Cordis 酒店既 Chuan Spa 推出 Spa & Dine Package，而 Dine 就系喺呢间米芝莲星级餐厅享用午市套餐。环境就相当唔错，地方好大，好阔落，服务一流。先睇下𠮶套餐餐牌，都几丰富，但发觉甜品系蛋白杏仁茶，由于有敏感既关系，同服务员就安排以红豆沙取代，相当甜心。每枱都会奉上两个酱料，分别系XO酱同豆干酱，XO酱好鲜味，咸度唔高，瑶柱同虾米都有咬口，算唔错。豆干酱味道就比较浓，配搭主食，个人觉得偏咸。先黎既系明阁点心拼盘，全部新鲜即整，热度十足👍🏻先讲牛肝菌榆耳菠菜饺，菌味香浓，菠菜就纯粹系皮既颜色，清清地，唔错。再黎黑毛猪咸水角，炸得好好，皮外面好脆，里面软糯，内馅猪肉有咬口，调味惹味，好食😋最后笋尖蓝天使虾饺，皮薄，大大粒虾肉，又够爽口，推介👍🏻👍🏻之后系天天老火汤，当日猪肉煲粉葛，够晒火口，唔错。再黎系黑皮鸡枞菌炒虾球带子，非常出食，试过就明🤭🤭到锅烧鲍鱼粒瑶柱烩饭，味道ok 既，但偏油腻，而且没咩鲜味，鲍鱼粒同瑶柱大细粒，所以味道唔出，同埋口感唔够好。最后红豆沙就正常水平，不过不失。整体水准都几好，值得再去。