Backyard Bistro (已結業)

听朋友介绍大埔墟有一间新开嘅意大利餐厅啲嘢食唔错，身为大埔友嘅我当然要亲身试吓坚定流啦。28/12当晚去到𠮶间餐厅门口已经觉得佢门面设计Backyard Bistro同Logo好型唔错，入到里面更加有欧洲feel，尤其是系对挂墙嘅鹿角。Service我哋嘅系一位有十分亲切笑容嘅男侍应，我们8人order咗肉眼扒丶羊架丶卡邦尼意大利面丶海虎虾意大利饭，重有佢推介嘅pizza，我哋选择咗墨西哥辣牛肉和黑松露菌，最后仲点咗一个香草辣蕃茄汁煮大蚬。先讲辣蕃茄蚬，蚬虽然唔系大，但胜在够新鲜，一食就知唔系雪藏嘢，而最紧要就系个汁，辣味同蕃茄配合得天衣无蓬，真系可以挡汤饮。跟著想讲就系pizza个皮，并非一般面包皮，有口感重带脆，经问亲切侍应了解，果然系自己搓嘅，上面嘅馅料，无论系松露菇，定系辣牛肉，都食得出厨师精心炮制嘅美味。至于main course：意大利饭芝士香味浓郁，闻到已经想食，虎虾更是弹牙；卡邦尼意大利面更加系厨师功力之作，睇落虽然平平无奇，但食落至知系我试过之中最好嘅。最后就系肉眼扒同羊架嘅肉质一流，恰当火喉嘅炭烧，加上香草、红酒汁等，特别伴菜系一种忌廉芝士薯仔，似焗又似炆，正到无朋