影片
更多
2021-08-27
4001 浏览
其实我生日都过咗一段时间🎉，𠮶阵食咗唔少高质素餐厅，其中一间我认为值得动笔介绍一下嘅，就系位于铜锣湾百乐中心嘅「Chez Bistro」。百乐中心可算系一幢美食大楼，各国菜式你都可以喺呢度揾到😃，但可惜楼层面积唔大，未必每间餐厅都装修得好靓。不过Chez Bistro相反，佢竟然可以打造到一个富有空间感嘅环境，墙身油上粉色，挂上油画以及配上白色窗框，别具气派🖼。餐牌选项唔多，主打五道菜晚餐🍽，另外仲有啲小食可以额外选配。晚餐定价由$280至$420不等，分别源自于个主菜。喺上第一道菜之前，店员会为我哋送上面包🥖，佢拎住个篮出嚟夹俾我哋，好似有三款拣。前菜：法国烟鳝·红菜头酸忌廉沙律，本身听见鳝就不感兴趣，但佢嘅味道绝对系意想不到的！🐟烟鳝肉身白𠽌𠽌，有啲似茄子肉，食落散发住一种独有嘅烟熏咸香，令人回味无穷。底部嘅红菜头沙律同样几特别，酸酸甜甜好开胃，而且一粒一粒的，好有咬口。前菜：香煎法国自然放养鹅肝伴焦糖苹果砵酒汁，其实简单啲讲佢即系煎鹅肝，哈哈。呢件鹅肝就OK啦，好味嘅，但唔算特别出色，因为未完全达到入口即溶嘅效果，再者，🍷砵酒酱汁味道较重，有点遮盖咗鹅肝本身嘅香气。法国洋葱牛肉汤
百乐中心可算系一幢美食大楼，各国菜式你都可以喺呢度揾到😃，但可惜楼层面积唔大，未必每间餐厅都装修得好靓。不过Chez Bistro相反，佢竟然可以打造到一个富有空间感嘅环境，墙身油上粉色，挂上油画以及配上白色窗框，别具气派🖼。
餐牌选项唔多，主打五道菜晚餐🍽，另外仲有啲小食可以额外选配。晚餐定价由$280至$420不等，分别源自于个主菜。
喺上第一道菜之前，店员会为我哋送上面包🥖，佢拎住个篮出嚟夹俾我哋，好似有三款拣。
法国烟鳝·红菜头酸忌廉沙律
41 浏览
0 赞好
0 留言
前菜：香煎法国自然放养鹅肝伴焦糖苹果砵酒汁，其实简单啲讲佢即系煎鹅肝，哈哈。呢件鹅肝就OK啦，好味嘅，但唔算特别出色，因为未完全达到入口即溶嘅效果，再者，🍷砵酒酱汁味道较重，有点遮盖咗鹅肝本身嘅香气。
法国洋葱牛肉汤
27 浏览
0 赞好
0 留言
日本白桃雪葩，食完前菜、饮完汤，就系时候清清味蕾，准备迎接跟住落嚟嘅主菜。雪葩当甜品食就食得多，但作为间场就比较少见，🍑白桃味好香，甜甜哋，系口腔内易适应嘅味道。
慢煮香煎美国黑豚肉配龙蘘草汁
$360
32 浏览
0 赞好
0 留言
主菜：慢煮香煎美国黑豚肉配龙蘘草汁($360)，我一向认为猪扒唔会好食得过牛扒，但今次竟然例外。🐷慢煮香煎黑豚采用猪鞍扒，厚度接近2 cm，食落满有咀嚼感，并以慢煮嘅方法烹调，全件都煎得好均匀，令肉质保持嫩滑。猪扒冇任何雪味，反而有一种平日食唔到嘅香气😋。
炭烧美国和牛肉眼扒配红酒汁
$420
28 浏览
1 赞好
0 留言
主菜：炭烧美国和牛肉眼扒配红酒汁($420)，虽然呢件牛扒不及猪扒出众，但其实都整得好好食，厨师控制生熟度得宜。🥩肉眼扒外层带有炭烧嘅香味，而内里就能锁住肉汁，渗出牛香🐮。另外，配菜有一嚿烧蕃茄同一块自家制薯饼，后者好好味道，啱晒我呢个薯仔控。
焦糖日本鸡蛋牛乳布丁
27 浏览
0 赞好
0 留言
芒果拿破仑
34 浏览
0 赞好
0 留言
饮品方面，我哋叫咗冻柠茶同热咖啡☕️，佢哋系全晚最普通嘅部份，但嚟到呢一刻我已经好满足。
总括嚟讲，呢顿五道菜晚餐好高水准🌟，定价唔平，但佢绝对对得住个价钱。套餐内容丰富，由前菜食到甜品，用餐过程好完整。再加上呢度气氛舒服，我相信会系一个庆祝约会嘅好地方。
张贴
