影片
更多
2024-01-30
28 浏览
🌟海贺铁板烧🌟周年纪念想食得好啲，朋友介绍咗呢间日式铁板烧🔥环境好靓，店员仲安排坐喺窗边，饱览维港景色💕🌃🌸海贺二人套餐🌸无花果蟹肉沙律🦀沙律菜好新鲜，佢嘅沙律醋酸度到适中，无花果亦都好甜，蟹肉份量好多！三文鱼籽伴海云醋第一次食海云，呈条状，食落去有少少似食粉丝，但系佢嘅口感同粉丝完全唔同，系有少少爽嘅感觉🤤🤤好好食矶烧鲍鱼鲍鱼煮到好淋😽仲好入味鲍鱼下面放咗大根，佢同鲍鱼嘅味道有啲似关东煮，甜甜地🥰鹅肝鹅肝好大块，外层煎到微脆，食落去入口即溶，仲充满咗鹅油🤩❤️❤️❤️黑醋汁微酸带甜，同鹅肝超夹！旁边仲有两块多士俾你送鹅肝，多士仲有啲香草味🌿食完鹅肝有时会觉得好油腻，佢旁边仲放咗两款小水果去除油腻感！大虾（配虾膏酱）大虾好新鲜，食落啲肉好实净，师傅仲要将啲虾切好晒，我地唔洗用手去食，用叉了开就得👍A4宫崎牛(配黑松露酱）牛肉我地叫咗五成熟，牛嘅油脂开始渗出嚟，咬落去满口都系肉汁同油花，超级好食🤤黑松露酱好夹！黑松露和牛炒饭、樱花虾炒饭两个饭都炒得好出色，每粒饭都好分明😆甜品我哋叫咗一个热，一个冻嘅甜品。热嘅系南瓜红豆汤，红豆汤味道适中唔会过甜👍冻嘅系芝士蛋糕，上面有啲绿茶嘅cream，芝士蛋
周年纪念想食得好啲，朋友介绍咗呢间日式铁板烧🔥环境好靓，店员仲安排坐喺窗边，饱览维港景色💕🌃
🌸海贺二人套餐🌸
无花果蟹肉沙律🦀
沙律菜好新鲜，佢嘅沙律醋酸度到适中，无花果亦都好甜，蟹肉份量好多！
三文鱼籽伴海云醋
第一次食海云，呈条状，食落去有少少似食粉丝，但系佢嘅口感同粉丝完全唔同，系有少少爽嘅感觉🤤🤤好好食
矶烧鲍鱼
鲍鱼煮到好淋😽仲好入味
鲍鱼下面放咗大根，佢同鲍鱼嘅味道有啲似关东煮，甜甜地🥰
鹅肝
鹅肝好大块，外层煎到微脆，食落去入口即溶，仲充满咗鹅油🤩❤️❤️❤️黑醋汁微酸带甜，同鹅肝超夹！
旁边仲有两块多士俾你送鹅肝，多士仲有啲香草味🌿
食完鹅肝有时会觉得好油腻，佢旁边仲放咗两款小水果去除油腻感！
大虾（配虾膏酱）
大虾好新鲜，食落啲肉好实净，师傅仲要将啲虾切好晒，我地唔洗用手去食，用叉了开就得👍
A4宫崎牛(配黑松露酱）
牛肉我地叫咗五成熟，牛嘅油脂开始渗出嚟，咬落去满口都系肉汁同油花，超级好食🤤黑松露酱好夹！
黑松露和牛炒饭、樱花虾炒饭
两个饭都炒得好出色，每粒饭都好分明😆
甜品
我哋叫咗一个热，一个冻嘅甜品。
热嘅系南瓜红豆汤，红豆汤味道适中唔会过甜👍
冻嘅系芝士蛋糕，上面有啲绿茶嘅cream，芝士蛋糕实净😽芝士味浓
Sorrento Limited Edition
呢款cocktail 加咗Homemade Honey lemon juice，饮落甜甜地，轻量嘅酸，女士应该都会好中意😻🫶
The Hk
呢款cocktail 加咗sake，酒精味有啲出，但酒精浓度唔高，女士都适合👐🏻
喺呢度食嘢会发现啲店员好敏锐，佢会留意到你食嘢食到差唔多就会准备下一道菜，成个过程你等嘅时间唔会超过5分钟，整个用餐过程都好舒服☺️☺️☺️☺️
张贴
