DKLM Bar & Restaurant (已結業)

早两日同朋友去左尖沙咀行街，顺便附近食下野，见诺士佛台full晒，就是但揾间Bar食下野吹下水。 行落少少就见到Dklm Bar就入左去。一入到去觉得都几有特色，入口放左张波枱，然后隔离仲有张枱放左D胶杯可以攞嚟俾人玩酒game。坐落我哋就睇吓啲餐牌先，发现原来都几抵有啲lunch set有六折，唔使100就有正餐食。我哋叫咗一个软壳蟹意粉，另外仲叫咗个德国咸猪手因为我真系好钟意食猪手。软壳蟹意粉个味道啱啱好唔会太咸同埋高远难道都适中，食落几舒服。猪手方面都焗到好林好好食，唔知点整㗎呢🤪。不过就觉得好似差拣啲咁，所以后尾就补咗个薯条。野饮就叫左Signature Mango paradise，饮落冇酒味劲易入口，岩晒女仔饮。临走见到隔离枱shisha好似都好正，好够味又够烟。同埋听D员工讲vip房冇人book，入去唱歌，最衰今次比人book左，好想试下。