影片
更多
2014-10-27
1013 浏览
本身我有去开佐敦嘅金牌火锅, 觉得虽然价钱比一般火锅店贵, 但食物有一定水准, 所以见新店咁近, 又撞啱家母生日, 谂住上去试下。点知今次bad experience 到我忍唔住要开account写食评闹。我哋订咗台, 上到去一坐低, 装修算几好, 但已经发觉侍应班阿姐已经唔系好对路。佢哋服务态度系几好几有礼貌, 但明显唔系做开较高消费嘅酒家, 甚至可能连一般酒楼都未做过。打开菜牌, 消费比佐敦店更贵, 大概系因为舖租, 可以理解, 但猪肉类第一项「加拿大午餐肉」一罐索价168大元, what!? 英文写系canada spam, 我以为系百佳都卖紧50蚊罐Hommel SPAM, 都仲可以理解。睇真D, 同一页有幅午餐肉嘅相.....原来「加拿大午餐肉」系ontario 产长城牌午餐肉 。如果要168蚊食罐长城牌, 点解我唔食2碟68蚊一碟嘅猪颈肉?最后我哋点咗鳝片、鹅肠、黑柏叶、牛颈脊、虾滑、西洋菜、白菜仔、响铃、汤底系半只醉鸡煲。老实讲, 呢几碟嘢其实我一个人都已经食得哂, 但因为我哋一家三口综合所有因素都觉得今次似会中伏, 所以叫嘢好克制, 谂住试一试先。帮手写嘢𠮶位著部长衫但
我哋订咗台, 上到去一坐低, 装修算几好, 但已经发觉侍应班阿姐已经唔系好对路。佢哋服务态度系几好几有礼貌, 但明显唔系做开较高消费嘅酒家, 甚至可能连一般酒楼都未做过。打开菜牌, 消费比佐敦店更贵, 大概系因为舖租, 可以理解, 但猪肉类第一项「加拿大午餐肉」一罐索价168大元, what!? 英文写系canada spam, 我以为系百佳都卖紧50蚊罐Hommel SPAM, 都仲可以理解。睇真D, 同一页有幅午餐肉嘅相.....原来「加拿大午餐肉」系ontario 产长城牌午餐肉 。如果要168蚊食罐长城牌, 点解我唔食2碟68蚊一碟嘅猪颈肉?
最后我哋点咗鳝片、鹅肠、黑柏叶、牛颈脊、虾滑、西洋菜、白菜仔、响铃、汤底系半只醉鸡煲。老实讲, 呢几碟嘢其实我一个人都已经食得哂, 但因为我哋一家三口综合所有因素都觉得今次似会中伏, 所以叫嘢好克制, 谂住试一试先。帮手写嘢𠮶位著部长衫但个样二十出头嘅四眼哥仔见叫唔够嘢自然落力sell 海鲜, 叫我哋开鱼。开咩鱼? 花尾趸....大佬, 人就得三个, 仲系打边炉, 你叫我开花尾趸? 我当我第一次打边炉呀? 听完呢句就谂都唔驶谂, 唔要, 等我哋睇下先。
过咗差唔多30分钟, 个煲都未嚟, 问D阿姐, 阿姐去check 完之后番嚟问系咪叫咗蓄茄猪骨煲。阿姐, 头先个醉鸡煲你写个㖞, 全场得三几张台, 咁都错? 我当然冇讲出口, 只系应佢我哋系叫咗半只醉鸡煲。5分钟后, 一个红色汤嘅煲(我估系𠮶个蓄茄猪骨煲啰)就上台, 问番个四眼仔部长又发紧梦咁, 卒之几个部长look嘅人围住部电脑搞咗一轮, 似系落错咗单啦。再等咗十几分钟, D嘢食开始上, 个醉鸡煲先至嚟。个煲好大, 但个电磁炉摆明唔够力, 好耐都唔滚。呢个时候家母块面已经黑过包公, 叫D部长嚟搞咗几次都无功而还, 最后同四眼仔部长反映, 条四眼仔仲自言自语死撑话冇理由个㖞, D炉新个㖞, 冇理由坏o格。我够知新啦, 睇你个样都知新啦, 新炉唔俾坏嘅? 你个煲仲鸡乸咁多大只, D汤点滚? 最后, 四眼仔俾家母讲咗几句之后就帮我哋换台, 大概已经发觉家母准备开火。换台之后, 个炉虽然都系好弱, 但明显比之前𠮶个好好多(之前渌块牛肉都要三四十秒先熟), 起码煲耐少少识滚。
食物水准方面, 真系同一般任食火锅差唔多, 甚至更差。
鳝片 - 我唔食鳝, 但两老反映话有泥味, 又唔爽
鹅肠 - 上台𠮶碟水汪汪到呢, 好似D肠喺个盘度洗紧, 有人叫就用只碟落去毕一嘢出嚟咁, 又切得碎, 一条得3吋左右, 渌完出嚟得番半条薯条咁大, 仲要食落口就知系鸭肠唔系鹅肠
黑柏叶 - 上台得番D叶, 得十块左右, 家母认为系厨房懒洗个壳, 直接切D叶出嚟就算
牛颈脊 - 佐敦金牌其中一样招牌货就系靓牛肉, 但今次呢碟牛肉D脂肪好似瓦解哂咁, 夹起好似烂布咁, 食落冇肉味又冇油味, 得个腍字 (我哋一致觉得其实根本唔系牛颈脊嚟)
虾滑 - 有梳打味, 0 调味, 食完都唔知系咩嚟
西洋菜 - 枯黄, 有苦味
白菜仔 - 一般
响铃 - 佐敦店另一招牌, 即叫即炸, 全晚唯一一样好食
醉鸡 - 上碟几香酒味, 渌完食落口同白烚冇分别, 摆明系上台前淋D酒上去, 完全冇腌过
汤底 - 醉鸡锅嚟讲, 好清淡, 基本上只系有几条药材浮面嘅清汤
埋单$13XX, 但我哋3个人都好似冇食过嘢咁, 就咁o徒咗人生中嘅180分钟 (等煲上台都差唔多一个钟, 等煲滚同转台又搞咗起码半个钟)。咁嘅价钱, 去任何一间火锅店都应该食得饱, 亦冇乜可能食到咁一肚气。呢间嘢我哋以后都唔会再去, 大家想试嘅话, 就抱住去明将打大佬嘅心情去啦 (事实上佢喺已经执咗嘅湾仔明将附近)。
张贴