饗和民 (康怡廣場) (已結業)

同朋友2个人收工系附近食饭，又唔知食咩好，毕竟平时返工食lunch已经系quarry bay食，最后决定食飨和民，因为见有好多位。食飨和民有样野烦就系个menu有太多野食，睇到人眼花缭乱，所以我地最后都系简单d，叫左个豪华2人套餐，见佢好多野食，而且又唔洗烦。凯撒沙律 - 虽然写半份，但分量好大。正正常常，无咩特别。5品刺身组合 - 吞拿鱼、牡丹虾有鲜味；三文鱼正常；带子略嫌逊色，带点雪藏既味；三文鱼子+萝卜蓉呢2样好似唔太夹。天妇罗盛合 -  天妇罗又意外地炸得几好，唔会话太多粉。和牛寿喜烧锅 - 牛肉ok， 肉质都鲜嫩既。同埋本人真系好钟意寿喜烧，所以野放落去煮都会加添一种清甜既感觉，蔬菜类就更明显啦。原只蒜味鸡腿烧 - 呢个有惊喜！烧得岩岩好，外皮脆得黎有d焦香但一d都唔油腻，入面d鸡腿肉鲜嫩多汁，正！水信玄饼 -  外表好精致，好似食得既水咁，本身无咩味道，加埋黄豆粉+黑蜜，令佢靓得黎又好食。 最后不得不提d上菜效率好快，但略嫌太快了，一次过上晒10道蔡，搞到d野好快就冻 晒，我地仲要有个锅，所以建议下次叫呢个套餐既时候记住叫佢上菜上慢d。