香馥樓

营业中

休息中

今晚同朋友去铜锣湾广场香馥楼食晚饭，朋友推介这里食晚饭，因地方阔落，有传统中式口味，店员服务殷勤细心，最紧要有质素高嘅食物！今晚就由朋友发板，先来一个紫砂功夫炖汤，上枱以一个紫砂壶配只功夫茶杯一齐上，炖汤超热，打开见到内里充满汤料，有黑蒜、弹牙爽口螺头肉，还有瘦肉同鸡肉，入口有阵阵药味清香，作为今晚开始又系一个唔错嘅选择！而这里必食嘅就系蜜汁厚切西班牙黑毛猪，外面烧得十分香口，加上厚切西班牙黑毛猪个种软熟嫩滑口感，十分有层次，喜欢食叉烧嘅朋友又多一样必食推介！而个芝麻盐焗鸡，亦系个人私心之选择，皮脆肉嫩，上面还撒满了香口芝麻，入口啖啖肉，大大份！还有椒麻安格斯牛粒，本身肉质鲜嫩富口感，油脂分布平均，牛味浓郁嘅牛肉粒，内有大量京葱，还有香浓嘅麻椒衬托，入口带点刺激亦不会抢走本身牛味，而京葱味道亦带甜味，十分配合！榄仁鲜蟹肉粉丝煲，上枱热烫烫，上面师傅用鲜蟹肉煎成肉饼，放在粉丝上面，而粉丝内都放满了香脆榄仁，搅匀入口啖啖蟹肉混埋粉丝入口，十分弹牙爽口，镬气十足！最后还有滋润足料，口感丰富，配有新鲜果肉嘅杨枝金露同埋有清甜可口杞子桂花糕，作为今晚就嘅结尾，真系十分完整美满