金記冰室 (黃大仙中心南館) (裝修中)

中汤味道适中，唔可以话特别咸，又可以带到少少汤既鲜甜味，算系饮过咁多间茶记中汤黎讲算唔错。叉烧滑蛋配白饭，蛋如名，非常顺滑，叉烧算系一般，冇咩嘢特别，但系整体黎讲性价比都算高。同埋个口感都唔错，味道黎讲，对于食开重口味既我黎讲，都叫有味。霸王鸡配白饭，鸡比较厚身、鸡腿鸡胸鸡背肉都有，唔会似其他茶记纯俾鸡胸肉柴到爆，佢鸡既口感一流。出菜到台面既时候，热油淋面既香味都仲保留系到，一口鸡再配白饭，简直一流！十分推！