酸菜碰上魚 (明安街) (已結業)

今日同街坊試左屋企附近新開不久的「酸菜碰上魚」外賣店， 因為我哋兩個都鍾意食辣，而且都喜歡支持附近小店，佢哋有金湯系列(酸辣) 、濃湯系列(唔辣)及水煮系列(麻辣) ， 辣味仲可以揀小辣中辣或大辣， 我哋叫咗兩款系列細份， 都大大碗好足料，我同媽媽朋友都覺得好好食，都話一定會再買嚟食。水煮魚配薯粉(小辣) 麻辣湯夠香麻， 魚片沾上麻辣，辣辣地，鮮味更出，配菜有豆卜、芽菜及酸菜，好豐富，薯粉非常幼滑，很煙韌有咬口，唔會好難咬斷，成碗都食唔停。濃湯酸菜魚配米線鮮魚濃湯好甜，鮮甜美味， 魚片份量多， 又鮮，配料有豆卜、芽菜及酸菜，米線好幼滑，怕辣的一定要試這款湯底。