炑八韓烤親子餐廳

营业中

休息中

入到餐厅，好有韩国feel。每张枱都好阔落，私隐度高，大人细路都坐得舒服。最紧要有个俾小朋友放电嘅playroom,有波波池，玩具煮饭仔，应有尽有，妈妈order食物，爸爸带小朋友放电，食物到左先过返黎开餐，够晒善用时间，绝无冷场。净系前菜款式都够晒丰富，各款泡菜，酱料生菜，炉边芝士粟米同蛋都任加。葱蒜牛五花，酿得够入味，烧完都好够肉汁。韩牛前胸肉肥瘦均匀烧出黎包住生菜食到停唔到，肉质够晒稔。绝对值得一试系呢两件肥美嘅鳗鱼，肉质鲜嫩，先烧鱼皮，再两边涂上酱油反转鱼肉个面烧，烧至皮脆就可以上碟。皮爽脆，肉厚肥美，果然系正。整体各食物都唔错，时间亦过得好快，各食物甚至儿童餐，饮料都绝对唔逊色。