名家韓國餐廳

营业中

休息中

位于isquare 27楼嘅名家， 居高临下，窗口位望出去，饱览维港， 先讲景观真系冇得输。食物质素方面对得住佢嘅价钱，。我叫咗烤牛肋骨套餐， 套餐跟一碗饭同汤。 牛肋骨用铁板上，包保够热。 牛肋骨好重牛味， 而最正嘅都系连住骨𠮶两嚿， 系全碟最重牛味嘅，冇得输。 洋葱作为配菜亦完全唔失色， 最后成碟洋葱连牛一嚿不漏畀我食晒但呢一餐要略为弹下嘅地方有两点。1. 可能serve我哋𠮶张枱嘅侍应系新嚟，好多嘢都唔熟手。上菜嘅时候手震震，我地仲惊过佢。2. 亦都可能系因为个待应新嚟，我哋一行13人，前菜比得12碟我地。但我哋走嘅时候见到其他枱，两个人都有六碟。 不过算啦,净系依食个主食都已经好够饱。