金筷子火鍋小廚

营业中

休息中

舖头细小，但充满人情味嘅火锅店🫶🏻先讲食材，用料新鲜高质，男朋友中意食牛，叫左个牛霸王环球拼盘（$488），里面有唔同种类嘅牛部位可以试，手切牛同极级霜降嘅牛味都好重，不过我自己比较钟意手切牛，因为味道带有点骚。份量好多，2个人次次叫都食唔晒，3至4个人食就差唔多。每一次去老板娘都会啲特别推介嘅食物，我地食个日就叫左个墨鱼刺身，份量都多，刺身鲜甜爽口，就咁沾wasabi豉油食已经好正，落一落汤灼一灼仲爽口。另外，特别要提嘅系佢地个汤底，我地叫左个冬瓜瑶柱汤（$38），好足料，里面有好多冬瓜、瑶柱、仿翅、蚝豉，最重要系冇落味精，汤底仍然浓味，食到最后饮一啖汤超正！老板同老板娘好好客，服务态度亦好好，见过有客生日，佢地都会特登熄灯挂生日快乐灯饰牌同客庆祝，而且好钟意同客倾偈，记性好好，记得啲客做咩行业，钟意食咩，真系feel到佢地用心经营。