哥哥添飯•妹妹泡茶

营业中

休息中

~塔香松露台式烧鸡（半只）~~配牛油果沙律 $108主菜烧鸡真系超级赞，外皮烧得香脆之余又唔会干身，肉汁同油份锁住系鸡肉入面，肉质食落鲜嫩，而松露酱系分开碟上嘅，涂上酱汁加倍咗烧鸡嘅香口。沙律方面面头铺满左厚切嘅牛油果片同小蕃茄，橄榄油同醋系分开自行按口味添加嘅。晚市套餐仲包埋前菜同水果，佢嘅椒盐爆溪虾细细只，酥脆可口。- - -~台风全日早餐 配香滑竽泥球 $118见到All day breakfast 就好想试，上碟嘅时候真系好大份，有两只煎蛋、格仔饼、香菇、炸菠菜薯饼、烟肉、台湾肠、牛油果沙律等，比较特别嘅系佢个格仔饼系酥皮嘅，食落外脆内烟韧，而个竽泥球入口香甜、软绵，味道一流。- - -~肉桂苹果紫萝兰 $35~水蜜桃果粒爱玉 $35~~（套餐加配享有$10折扣）饮品外观吸引，原条肉桂浸入苹果茶，饮落清甜可口。而水蜜桃茶加入咗干蜜桃粒、玫瑰花、以及爱玉啫喱，饮落味道清爽口感丰富。- - -~雪燕桃胶百合莲子炖鲜奶 $46同甜味嘅名称一样，每款食材都好足料，食落奶香好浓，唔甜，系健康滋补系甜点。